Удзельнікамі Летняй школы, якая пачала сваю працу 3 чэрвеня на базе вучэбна-навукова-вытворчага аб'яднання «Студэнцкі медыяцэнтр» пры кафедры журналістыкі, сталі навучэнцы 5-6 класаў гімназіі № 10 г. Гродна.
Пад кіраўніцтвам выкладчыкаў, прафесійных журналістаў і студэнтаў, будучых спецыялістаў у сферы медыя, вучні Летняй школы будуць знаёміцца з сістэмай і асаблівасцямі функцыянавання друкаваных і аўдыёвізуальных СМІ горада і рэспублікі, вывучаць тэхналогіі вытворчасці ў розных тыпах медыя. Рабяты паспрабуюць свае сілы ў стварэнні медыйных матэрыялаў у розных жанрах (нататка, рэпартаж, інтэрв'ю і інш.) і будуць вучыцца правілам вядзення акаўнта ў сацыяльнай сетцы ВК, Instagram.
Праграма Летняй школы разлічана на 24 дня і складаецца з чатырох блокаў: «Тыдзень TV», «Тыдзень ПРЭСЫ», «Тыдзень РАДЫЁ», «# ЯВСЕТИ». Заняткі ў Летняй школе працягнуцца з 3 чэрвеня па 26 чэрвеня 2019 года.
Як распавялі арганізатары, Летняя школа нацэлена на тое, каб пазнаёміць падрастаючую моладзь з асновамі медыяадукаванасці і раскрыць патэнцыял школьнікаў для далейшага атрымання вышэйшай адукацыі ў сферы медыя.
Гродзенскі дзяржаўны ўніверсітэт імя Янкі Купалы