Узнагароджанне адбылося 24 чэрвеня ў рамках сустрэчы выпускнікоў устаноў вышэйшай адукацыі з кіраўнікамі рэспубліканскіх органаў дзяржаўнага кіравання, якія маюць у падначаленні ўстановы вышэйшай адукацыі.
Лістамі падзякі Міністэрства адукацыі адзначаны студэнт факультэта эканомікі і кіравання Арслан Ганна, інжынерна-будаўнічага факультэта Аляксей Заяц, факультэта матэматыкі і інфарматыкі Паліна Курбатава, філалагічнага факультэта Аляксандр Лапатнёў, факультэта біялогіі і экалогіі Надзея Марчук, факультэта гісторыі, камунікацыі і турызму Ірына Чабатарэвіч і педагагічнага факультэта Вікторыя Янулевіч. Акрамя таго, Аляксандр Лапатнёў і Вікторыя Янулевіч ўзнагароджаны Ганаровымі граматамі Міністэрства адукацыі. Сёння рабяты таксама наведаюць у якасці заўзятараў спаборніцтвы па скачках на батуце ў рамках II Еўрапейскіх гульняў.
Заўтра, 25 чэрвеня, рэктар універсітэта Ірына Кітурка і лепшыя выпускнікі 2019 года прадставяць ГрДУ імя Янкі Купалы на Рэспубліканскім балі выпускнікоў устаноў вышэйшай адукацыі Беларусі.
Права прымаць удзел у падзеі рэспубліканскага ўзроўню купалаўцы ўдастоены за высокія дасягненні ў вучобе, навуцы і творчасці. На працягу ўсіх гадоў навучання ва ўніверсітэце выпускнікі вялі актыўную грамадскую і валанцёрскую дзейнасць, станавіліся прызёрамі і пераможцамі разнастайных алімпіяд, конкурсаў і чэмпіянатаў.
Гродзенскі дзяржаўны ўніверсітэт імя Янкі Купалы