У рамках праграмы Erasmus + (Іспанія) прайшоў XV тыдзень навучання персаналу, які сабраў 140 прадстаўнікоў з розных краін.
Удзельнікамі Міжнароднага тыдню сталі прадстаўнікі больш чым 30 універсітэтаў з Алжыра, Беларусі, Босніі і Герцагавіны, Камбоджы, Егіпта, Грузіі, Індыі, Марока, Чарнагорыі, Палестыны, Малдовы, Расіі, Туніса, Украіны, Філіпін, Сенегала і іншых краін. ГрДУ імя Янкі Купалы ў дадзеным мерапрыемстве прадставіла дацэнт кафедры эканомікі і кіравання на прадпрыемстве Таццяна Гараева.
У ходзе візіту ўдзельнікі мерапрыемства мелі магчымасць вывучыць досвед працы Гранадскага ўніверсітэта ў галіне інтэрнацыяналізацыі адукацыі і рэалізацыі міжнародных праектаў, усталяваць дзелавыя кантакты з мэтай далейшага супрацоўніцтва і абмену інфармацыяй. Удзельнікам Міжнароднага тыдню навучання персаналу Таццяна Гараева прэзентавала навуковы і адукацыйны патэнцыял Гродзенскага дзяржаўнага ўніверсітэта імя Янкі Купалы, у тым ліку правядзенне летніх школ, курсаў і стажыровак.
Гродзенскі дзяржаўны ўніверсітэт імя Янкі Купалы