Сэрвісныя і педагагічныя атрады ГрДУ імя Янкі Купалы ўжо пяты год запар адпраўляюцца на чарнаморскае ўзбярэжжа Анапы.
Гэтым летам папрацаваць у аздараўленчым лагеры «Жамчужына Расіі» студэнты паехалі ў два заезды. Фармуюцца студатрады, якія выязджаюць за мяжу, яшчэ з ранняй вясны. Да кандыдатаў прад'яўляюцца асаблівыя патрабаванні: байцы павінны быць паўналетнімі, добра паспяваць у вучобе і актыўна ўдзельнічаць у грамадскім жыцці пяршоўкі і ВНУ. Акрамя гэтага, рабяты праходзяць навучанне ў школе важацкага майстэрства, а пасля здаюць экзамены, вывучаюць асновы аховы працы і працоўнага права.
Студэнцкі педагагічны атрад «Дзеці Нёмана» ГрДУ імя Янкі Купалы быў створаны ў 2015 годзе. І за гэты час выдатна сябе зарэкамендаваў - па выніках работы ў мінулым годзе прызнаны лепшым атрадам, якія выязджаюць за межы Рэспублікі Беларусь, а гадамі раней неаднаразова атрымліваў падзякі ад абласнога і Цэнтральнага камітэтаў БРСМ у гэтай намінацыі.
- Нас сустрэлі цяпло, - падзяліўся сваімі ўражаннямі студэнт фізіка-тэхнічнага факультэта Уладзіслаў Садоўскі. - Я працую афіцыянтам, сфера для мяне незнаёмая, затое набуду сабе новы вопыт. Старэйшыя калегі падтрымліваюць і ўсяму вучаць.
У выхадныя рабяты не сядзяць на месцы - ездзяць з экскурсіямі па Краснадарскім краі, плаваюць у моры, шпацыруюць па горадзе.
- Нашы рабяты добра зарэкамендавалі сябе з прафесійнай пункту гледжання, таму іх запрашаюць рэгулярна, - адзначыў сакратар пярвічкі БРСМ ГрДУ імя Янкі Купалы Андрэй Есін. - У дзіцячым санаторна-аздараўленчым комплексе больш за 90 студэнтаў універсітэта і 10 навучэнцаў Ваўкавыскага каледжа працуюць у якасці важатых, афіцыянтаў і ратавальнікаў. Усяго гэтым летам у складзе будаўнічых, педагагічных, сэрвісных і экалагічных студатрадаў працуюць больш за 550 нашых студэнтаў.
Па матэрыялах газеты «Гродзенская праўда»
Гродзенскі дзяржаўны ўніверсітэт імя Янкі Купалы