Аказаць падтрымку сем'ям, якія знаходзяцца ў складаным матэрыяльным становішчы, можа кожны жадаючы з 20 жнiўня да 1 верасня.
Школьныя тавары - пісьмовыя прыналежнасці, фарбы, алоўкі, альбомы для малявання, наборы для дзіцячай творчасці, каляровую паперу, пластылін і іншыя канцылярскія прылады - можна прынесці з 8.30 да 17.00 у галоўны корпус універсітэта па адрасе вул. Ажэшкі, 22, аўд. 224. Валанцёры ўніверсітэта таксама ажыццяўляюць збор школьных канцылярскіх прыладаў у супермаркеце «Еўраопт» па адрасе вул. Ціміразева, 8 з 20 па 23 жніўня.
Варта адзначыць, што штогадовая акцыя «Збяром дзяцей у школу» накіравана на аказанне дапамогі дзецям са шматдзетных, малазабяспечаных, прыёмных і апякунскіх сем'яў, а таксама дзецям, якія знаходзяцца ў сацыяльна небяспечным становішчы.
Сфармаваныя падарункі будуць перададзеныя сем'ям 2 верасня.
Гродзенскі дзяржаўны ўніверсітэт імя Янкі Купалы