Напярэдадні новага навучальнага года больш за семсот першакурснікаў 30 жніўня сабраліся ў сценах Купалаўскага ўніверсітэта.
Павітала дзяцей і іх бацькоў у гэты асаблівы дзень рэктар Гродзенскага дзяржаўнага ўніверсітэта імя Янкі Купалы Ірына Кітурка:
- Сёння мы вітаем новых членаў сваёй Купалаўскай сям'і. Сапраўды, гэта вельмі хвалюючы момант. Бо кожны навучальны год напаўняецца новымі людзьмі і чаканнямі, новымі крэатыўнымі ідэямі і планамі, здзяйсненнямі, жаданнямі, магчымасцямі. Я ад імя ўсяго калектыву з вялікай радасцю вітаю ў гэтай зале першакурснікаў універсітэта і каледжаў, якія ўваходзяць у структуру ГрДУ імя Янкі Купалы. Асаблівыя словы ўдзячнасці хачу выказаць вашым бацькам, якія сёння, як і мы, вельмі хвалююцца. Рабяты, цяпер перад вамі адкрываюцца вялізныя магчымасці. Сардэчна запрашаем у Купалаўскую сям'ю і яркага вам старту!
У рамках сустрэчы Ірына Фёдараўна прачытала першакурснікам іх першую лекцыю "Універсітэт тваіх магчымасцяў" пра гісторыю універсітэта, дасягненнях студэнтаў і выпускнікоў, а таксама аб магчымасцях, якія створаны ў ГрДУ імя Янкі Купалы для самарэалізацыі ў навуцы, адукацыі, творчасці і спорце. Рабяты даведаліся пра тое, якія пазіцыі займае ўніверсітэт у міжнароднай прасторы, пазнаёміліся з традыцыямі, карпаратыўнай культурай і магчымасцямі для рэалізацыі сваіх інавацыйных праектаў.
Ірына Кітурка таксама ўручыла студэнцкія білеты лепшым першакурснікам - тым, хто па выніках цэнтралізаванага тэсціравання і ўступных выпрабаванняў паказаў высокія вынікі.
Па традыцыі купалаўцы старэйшых курсаў перадалі першакурснікам сімвалічны студэнцкі білет і ключ ведаў. Павіншавалі рабят з паступленнем у Гродзенскі дзяржаўны ўніверсітэт імя Янкі Купалы студэнт 3 курса інжынерна-будаўнічага факультэта, актывіст, удзельнік будаўнічага атрада трэцяга працоўнага семестра Болтуць Арцём і студэнтка 2 курса педагагічнага факультэта, пераможца рэспубліканскага конкурсу грацыі і артыстычнага майстэрства "Каралева вясна Рэспублікі Беларусь", прызёр міжнароднага конкурсу «Каралева студэнцтва» Таццяна Шчэрбач:
- Мы верым, што вы выбралі наш універсітэт зусім не выпадкова! Жадаем вам толькі ўдачы і творчых дасягненняў і спадзяемся, што вы не толькі захаваеце, але і прымножыце слаўныя традыцыі нашага ўніверсітэта і будзеце з гонарам насіць званне студэнта-купалаўца!
Права прыняць сімвалы студэнцтва было прадастаўлена першакурсніку факультэта гісторыі, камунікацыі і турызму Дзмітрыю Апону і студэнтцы факультэта матэматыкі і інфарматыкі Вераніцы Сакомскай. Рабяты ад імя ўсіх першакурснікаў падзякавалі бацькам і настаўнікам за шчырую падтрымку, а таксама паабяцалі з гонарам несці званне студэнта-купалаўца.
Яшчэ адна традыцыя ўрачыстага мерапрыемства - цырымонія прысягі першакурснікаў. Рабяты паабяцалі з годнасцю несці званне студэнта Гродзенскага дзяржаўнага ўніверсітэта імя Янкі Купалы, не шкадаваць сіл і часу на зразуменне ўсіх навук, быць годнымі пераемнікамі традыцый беларускага студэнцтва, ва ўсім выступаць узорам сумленнасці, высакароднасці, працавітасці і дысцыпліны, актыўна ўдзельнічаць у грамадскім, навуковым і культурным жыцці роднай alma mater, атрыманыя веды накіроўваць на ўмацаванне магутнасці і росквіту Рэспублікі Беларусь і быць годнымі грамадзянамі нашай краіны.
Нагадаем, што заўтра, 31 жніўня, адбудзецца яшчэ адна сустрэча рэктара ГрДУ імя Янкі Купалы з першакурснікамі. Мерапрыемства пройдзе па адрасе: вул. Леніна, 32, актавая зала. Пачатак у 10.00.
Гродзенскі дзяржаўны ўніверсітэт імя Янкі Купалы