Форум адбыўся 2 кастрычніка на базе Беларускага дзяржаўнага ўніверсітэта.
Удзельнікамі мерапрыемства сталі міністр адукацыі Беларусі Ігар Карпенка, старшыня Савета па вышэйшай адукацыі Турцыі Йекта Сарач, кіраўнікі беларускіх і турэцкіх універсітэтаў. Турэцкі бок прадставілі рэктары пяці ўніверсітэтаў, а беларускую - ГрДУ імя Янкі Купалы, БДУ, БДУІР, БНТУ, БДПУ, БДТУ, БарДУ, БРУ, МДЛУ, МДПУ імя Шамякіна і ПалесДУ.
У рамках форуму адбыўся Дзелавы Савет устаноў вышэйшай адукацыі, дзе ўдзельнікі разгледзелі пытанні падрыхтоўкі спецыялістаў, прызнання і эквівалентнасці дыпломаў, акадэмічных абменаў, распрацоўкі сумесных адукацыйных праграм і інш. Дэталёвае абмеркаванне рэалізацыі адукацыйнай палітыкі адбылося ў ходзе двухбаковых перамоваў кіраўнікоў універсітэтаў.
Падчас Дзелавога Савета устаноў вышэйшай адукацыі рэктар Гродзенскага дзяржаўнага ўніверсітэта імя Янкі Купалы Ірына Кітурка выступіла з дакладам і распавяла пра вынікі і перспектывы супрацоўніцтва ГрДУ імя Янкі Купалы і ўніверсітэтаў Турэцкай рэспублікі. У сваім выступе рэктар акцэнтавала ўвагу на прыярытэтных кірунках развіцця ўніверсітэта, сярод якіх назвала стварэнне і развіццё інавацыйнай інфраструктуры, камерцыялізацыю навуковых распрацовак, рэалізацыю стартапаў, што фармуе ў студэнтаў і супрацоўнікаў навыкі праектавання, стварэння і развіцця ўласнага бізнэсу, на аснове атрыманых кампетэнцый. Ірына Фёдараўна падкрэсліла, што ўніверсітэт вядзе актыўную міжнародную палітыку ў сферы адукацыі, якая рэалізуецца ў рамках 201 міжвузаўскага дагавора аб супрацоўніцтве з замежнымі ўстановамі з 33 краін свету. Гродзенскі дзяржаўны ўніверсітэт імя Янкі Купалы зацікаўлены ў супрацоўніцтве з установамі адукацыі Турцыі і вядзе працу па пошуку новых партнёраў і напрамкаў супрацоўніцтва. Ірына Кітурка запрасіла калег з Турцыі да супрацоўніцтва з ГрДУ імя Янкі Купалы ў навукова-інавацыйнай дзейнасці. Сярод іх - падрыхтоўка заявак на конкурс сумесных навуковых праектаў з Саветам па навукова-тэхналагічным даследаванням і конкурс міжнародных навуковых праектаў па праграме «Horizon Europe» у якасці краіны-партнёра, удзел у міжнародных навуковых канферэнцыях, якія праводзяцца на базе ўніверсітэта, арганізацыя і правядзенне сумесных канферэнцый па актуальных праблемах двухбаковага супрацоўніцтва, публікацыя навуковых прац турэцкіх навукоўцаў у серыях часопіса «Веснік ГрДУ», а таксама стварэнне сумесных вытворчасцей, беларуска-турэцкіх інавацыі нных прадпрыемстваў у рамках дзейнасці Навукова-тэхналагічнага парку ГрДУ імя Янкі Купалы.
У рамках форуму таксама адбылася выстава-прэзентацыя дасягненняў беларускай сістэмы адукацыі. ГрДУ імя Янкі Купалы прадставіў праект «Лічбавы універсітэт +», які паспяхова рэалізуецца ва ўніверсітэце і ўключае ў сябе сэрвісы для дыстанцыйнай падтрымкі навучання студэнтаў, а таксама лічбавыя сэрвісы і платформы для суправаджэння навучальнага працэсу. На выставе навуковых дасягненняў яе ўдзельнікі змаглі пазнаёміцца з вынікамі навуковых распрацовак купалаўцаў, якія гатовыя да камерцыялізацыі. У тым ліку прэзентаваныя паслугі Навукова-тэхналагічнага парку ГрДУ імя Янкі Купалы і паслугі рэзідэнтаў тэхнапарку, якія створаны пры ўдзеле выкладчыкаў, студэнтаў і супрацоўнікаў універсітэта.
Першы Беларуска-турэцкі міжуніверсітэцкі форум арганізаваны з мэтай умацавання міжвузаўскіх адносін і вызначэння перспектыў развіцця двухбаковага супрацоўніцтва ў сферы адукацыі і навукі.
Даведачна:
ГрДУ імя Янкі Купалы вядзе актыўную міжнародную дзейнасць у сферы адукацыі, якая рэалізуецца ў рамках 201 міжвузаўскага дагавора аб супрацоўніцтве з замежнымі ўстановамі з 33 краін свету. У прыватнасці, заключаны дагаворы з двума турэцкімі ўніверсітэтамі - Мальтэпскім універсітэтам і Фракійскім універсітэтам у горадзе Эдырне.
Гродзенскі дзяржаўны ўніверсітэт імя Янкі Купалы