Трэці працоўны семестр быў урачыста закрыты 10 кастрычніка.
У рамках падвядзення вынікаў «Працоўнага лета - 2019» штаб працоўных спраў пярвічнай арганізацыі Беларускага рэспубліканскага саюза моладзі Купалаўскага ўніверсітэта быў прызнаны лепшым сярод устаноў вышэйшай адукацыі горада Гродна. Высокай узнагародай купалаўцаў адзначылі за актыўны ўдзел у развіцці студатрадаўскага руху, арганізацыю другаснай занятасці моладзі ў бягучым годзе. Таксама ГрДУ імя Янкі Купалы атрымаў званне лепшай арганізацыі, якая прымае студэнцкі атрад.
Не засталіся без узнагарод і іншыя студатрады ўніверсітэта. Так, студэнцкі сэрвісны атрад «Дзеці Нёмана» стаў пераможцам у намінацыі «Лепшы атрад, які працуе за межамі Рэспублікі Беларусь». У сваю чаргу студэнцкі педагагічны атрад «Купалінка - 4» стаў лепшым педагагічным атрадам, а студэнцкі будаўнічы атрад «Будатрад №4» - лепшым будаўнічым атрадам.
Таксама студатрадам ГрДУ імя Янкі Купалы былі аб'яўлены падзякі за добрасумленную працу і плённую працу на сацыяльна-значных аб'ектах горада Гродна - іх атрымалі студэнцкі вытворчы атрад «Дзіфа» і студэнцкі сэрвісны атрад «Нёман».
Гродзенскі дзяржаўны ўніверсітэт імя Янкі Купалы