Кангрэс прайшоў 2 - 6 кастрычніка 2019 года на базе Універсітэта Кіёта-Сангё (горад Кіёта, Японія). У ім узялі ўдзел 270 навукоўцаў з 34 краін.
Мерапрыемства праводзілася ў рамках міжнароднага праекта «Стварэнне віртуальнай навуковай і адукацыйнай прасторы», арганізатарамі якога выступілі Універсітэт Кіёта-Сангё (Японія, Кіёта), Міддлберы Каледж (ЗША, Вермонт), Расійскі Новы Універсітэт (Расія, Масква), лінгвістычны ўніверсітэт замежных моў ( Кітай, Шанхай), Армянскі дзяржаўны педагагічны ўніверсітэт імя Хачатур Абавяна (Арменія, Ерэван), Дзяржаўны ўніверсітэт Шота Руставелі (Грузія, Батумі). Сярод мэтаў праекта - кансалідацыя інтэлектуальных высілкаў прадстаўнікоў шматлікіх культур у розных галінах навукі і адукацыі для інтэграцыі навуковага і педагагічнага патэнцыялу, выяўлення і комплекснага аналізу актуальных праблем у гуманітарнай сферы, а таксама стварэнне інавацыйнага міжкультурнага адукацыйнага і навуковага асяроддзя.
На навуковым форуме абмяркоўваліся такія пытанні, як інавацыі ў філалагічнай навуцы, літаратуразнаўчыя аспекты ўзаемадзеяння заходняй і ўсходняй культур, праблемы білінгвальнай адукацыі, міжкультурнай камунікацыі, тэорыі і практыкі перакладу, методыкі выкладання замежных моў, укаранення інфармацыйных тэхналогій у адукацыйнае асяроддзе і іншыя.
Дацэнт кафедры рускай філалогіі Ірына Банах выступіла на Кангрэсе з дакладам «Японія, якая выслізгвае: вобразы Іншага ў дарожным нарысе П.Вайля "Усё - у садзе"». Выступ дацэнта кафедры рускай філалогіі Зоі Сідаровіч быў прысвечана тэарэтычным і практычным праблемам распрацоўкі электроннага вучэбна-метадычнага комплексу дысцыпліны ў вышэйшай школе. Дарэчы, артыкулы па матэрыялах прачытаных дакладаў уключаны ў навукова-практычны зборнік, які ўваходзіць у інфармацыйную бібліятэчную базу Універсітэта Кіёта-Сангё, а таксама базы JAIRO, NII, SCOPUS.
Гродзенскі дзяржаўны ўніверсітэт імя Янкі Купалы