Стаць удзельнікамі конкурсу запрашаюць студэнтаў, магістрантаў, аспірантаў універсітэта, а таксама навучэнцаў школ, гімназій, ліцэяў, каледжаў і вучылішчаў.
Конкурс пройдзе ў два этапы. Першым стане дыстанцыйны этап «Мой родны кут, як ты мне мілы», падчас якога ўдзельнікі на працягу месяца будуць займацца вывучэннем гісторыі сваёй малой радзімы, яе асаблівасцяў, перспектыў развіцця, прадэманструюць славутасці і прадумаюць магчымыя напрамкі развіцця малой радзімы. Для гэтага ім неабходна з 11 лістапада па 20 снежня накіраваць на электронны адрас kaf_spkb@grsu.by не больш за 10 фотаздымкаў месцаў і наваколля роднага краю, дома, а таксама аповяд, вершы, песні, сачыненне або эсэ пра сваю малую радзіму, відэафільм ці відэаролік працягласцю не больш за 5 хвілін і прэзентацыю аб'ёмам не больш за 15 слайдаў. Па выніках прадстаўленых матэрыялаў журы абярэ лепшыя працы і сфарміруе каманды канкурсантаў.
Падчас другога вочнага этапу «Чым я магу дапамагчы маёй малой радзіме?» сфарміраваныя каманды павінны прадставіць напрамкі змены малой радзімы, а таксама распрацаваць праект, які змяняе вобраз або ўтрыманне будучай малой радзімы. Гэта можа быць сайт, блог, твор мастацтва, тэхнічная распрацоўка, дакумент, камп'ютарная праграма, музейная экспазіцыя. Пасля чаго праект будзе пратэставаны пры дапамозе онлайн галасавання і апытання. Вочны этап будзе доўжыцца з 13 студзеня па 27 сакавіка 2020 года.
Вынікі конкурсу «Мая малая радзіма» будуць падведзены падчас публічнай прэзентацыі лепшых праектаў.
Гродзенскі дзяржаўны ўніверсітэт імя Янкі Купалы