Выстава-прэзентацыя ідэй і распрацовак пройдзе 28 лістапада ў Гродзенскім філіяле Беларускай універсальнай таварнай біржы.
У гэтым сезоне рабяты прадставяць свае ідэі ў дзесяці пазіцыях у дзвюх узроставых групах. Удзельнікамі праекта сталі маладыя людзі ад 14 да 31 года і маладыя навукоўцы да 35 гадоў.
Сёння ў рамках конкурсу каля 30 маладых даследчыкаў, рацыяналізатараў, вынаходнікаў, медыкаў, праграмістаў прадставяць на суд экспертнага Савета свае навуковыя і сацыяльныя распрацоўкі, праекты і ідэі. На выставе будуць прэзентаваныя праекты сацыяльнай сферы, энергаэфектыўнай накіраванасці, медыцыны, аграпрамысловыя, будаўнічыя і авіякасмічныя тэхналогіі.
Купалаўцы на гродзенскім занальным этапе рэспубліканскага моладзевага інавацыйнага праекта «100 ідэй для Беларусі» прадэманструюць чатыры ідэі.
Праект «Жыццё без межаў» прэзэнтуюць старшы выкладчык кафедры тэхналогіі, фізіялогіі і гігіены харчавання факультэта біялогіі і экалогіі Наталля Чугай, студэнт 3 курса факультэта біялогіі і экалогіі Алег Патапаў, студэнт 2 курса факультэта матэматыкі і інфарматыкі Раман Пыжыў. Праект прапануе распрацоўку рэцэптуры і тэхналогіі стварэння асартыменту прадуктаў для дзяцей з парушанымі абменнымі працэсамі, якія павінны прытрымлівацца безбелковай дыеты для прадухілення негатыўнага ўздзеяння на ЦНС. Ідэя таксама прадугледжвае распрацоўку мабільнага дадатку для маніторынгу ўтрымання бялку ў рацыёне харчавання.
Студэнты факультэта гісторыі, камунікацыі і турызму Наталля Васілюк, Лізавета Ламаносава, Максім Сухадольскі прадставяць журы інтэрактыўны праект «GrodnoDisplay» - інавацыйны мабільны дадатак, які дазваляе арганізаваць турыстычны маршрут па горадзе Гродна, азнаёміцца з выдатнымі мясцінамі і іх гісторыяй, а таксама замацаваць атрыманыя веды пры дапамозе інтэрактыву і жывога ўзаемадзеяння.
Беспілотны лятаючы апарат, прадстаўлены ў выглядзе самалёта, які лятае за кошт сілы цягі іённага ветру, прапануе магістрант фізіка-тэхнічнага факультэта Андрэй Рамашкевіч. Самалёт на іённай цязе «Ion_Plane» будзе ўяўляць сабой секцыю з паралельных адзін да аднаго электродных крылаў, кожнае з якіх будзе размешчана ў адной плоскасці ўслед за папярэднім. Такім чынам цяга будзе ажыццяўляцца практычна на ўсёй паверхні іёоналёта. У адрозненні ад традыцыйнага самалёта, цяга якога ажыццяўляецца за кошт апорных шруб і турбін, кожны ўчастак паверхні іёнолёта ўдзельнічае ва ўтварэнні апорнай сілы. Гэтак жа варта адзначыць, што апарат не мае патрэбу ў механізмах для руху і кіравання. Кіраванне будзе выконвацца за кошт змянення сілы цягі на ўчастках крылаў.
Студэнтка 2 курса інжынерна-будаўнічага факультэта Вераніка Кастрова паставіла перад сабой задачу не толькі стварыць новы ўнікальны матэрыял, але і замяніць сыравінны кампанент серазмяшчальных адходаў прамысловасці. Таму дзяўчына прапануе распрацоўку кампазіцыйнага матэрыялу на аснове серазмяшчальных адходаў ААТ «Гродна Азот».
Ацэньваць ідэі рабят будзе гарадскі экспертны Савет. Эксперты ацэняць не толькі актуальнасць і навізну ідэі, але і практычную значнасць работы, а таксама рэальнасць рэалізацыі конкурснага інавацыйнага праекта. Па выніках гарадской выставы будуць вызначаны пераможцы, якія прадставяць Гродна на абласным этапе конкурсу.
Як адзначаюць арганізатары, конкурс накіраваны на вырашэнне сацыяльных пытанняў і развіццё навукова-тэхнічнага прагрэсу, матывацыю і развіццё маладзёжнага вынаходніцтва і рацыяналізатарства, аказанне дапамогі ў прасоўванні інавацыйных праектаў і перспектыўных навукова-тэхнічных распрацовак. За час свайго існавання конкурс стаў паспяховым праектам Беларускага рэспубліканскага саюза моладзі. Кожны год конкурс становіцца незабыўнай падзеяй у жыцці моладзі - гэта ўнікальная магчымасць сустрэцца з аднадумцамі і заявіць пра свае распрацоўкі.
Гродзенскі дзяржаўны ўніверсітэт імя Янкі Купалы