На ўрачыстым мерапрыемстве купалаўцам былі ўручаны дыпломы аб заканчэнні ўніверсітэта і прысвоена першае афіцэрскае званне «лейтэнант».
У гэтым годзе на ваенным факультэце Купалаўскага ўніверсітэта двайное свята - 15-годдзе з дня заснавання святкуе сам факультэт. Юбілейнай датай у 2020 годзе таксама пазначаны і выпуск курсантаў - яго склалі 37 купалаўцаў. Віншаванні са значнай падзеяй выпускнікі прымалі ад ганаровых гасцей - прадстаўнікоў сілавых ведамстваў краіны і духавенства, а таксама ад сваіх родных і блізкіх.
Традыцыйна пачатак урачыстай цырымоніі выпуску курсантаў ваеннага факультэта паклала абвяшчэнне Кодэкса гонару афіцэра, права зачытаць які далі выпускніку Дзмітрыю Басько. Пасля вымаўлення клятвы курсантам уручылі дыпломы аб заканчэнні Купалаўскага ўніверсітэта. Цяпер яны - афіцэры, са сваім першым воінскім званнем «лейтэнант».
Павіншаваў выпускнікоў Камандуючы войскамі Заходняга аператыўнага камандавання, генерал-маёр Віктар Гулевіч:
- Сімвалічна, што вы папаўняеце афіцэрскі корпус у год 75-годдзя Вялікай Айчыннай вайны і Перамогі савецкага народа над нямецка-фашысцкімі захопнікамі. Упэўнены, што сваёй ратнай службай вы працягнеце слаўныя традыцыі сваіх дзядоў і прадзедаў. Вам трэба будзе вырашаць шэраг складаных і адказных задач па забеспячэнні абароназдольнасці нашай краіны.
Начальнік упраўлення ваеннай адукацыі Узброеных Сіл, палкоўнік Ігар Слуцкі, звяртаючыся да бацькоў выпускнікоў, падзякаваў ім за тое, што некалькі гадоў таму яны выбралі ваенна-навучальную ўстанову, а самі рабяты - прафесійны шлях афіцэра.
- Кожнага з нас, хто глядзіць на гэтае прыгожае свята, перапаўняе гонар. Сёння мы віншуем тых, хто атрымаў свае першыя залатыя пагоны. Гэта людзі, здольныя прымаць рашэнні, несці адказнасць, якія сапраўды гатовыя з гонарам выконваць свае абавязкі.
Ад імя рэктара Гродзенскага дзяржаўнага ўніверсітэта імя Янкі Купалы Ірыны Кітурка павіншаваў выпускнікоў з заканчэннем універсітэта і з прысваеннем першага афіцэрскага звання прарэктар Мікалай Войтка. У віншавальным адрасе Ірына Фёдараўна падкрэсліла, што маладым афіцэрам трэба будзе вызначаць заўтрашні дзень Узброеных сіл Рэспублікі Беларусь і выказала ўпэўненасць, што ўвесь свой патэнцыял яны накіруюць на забеспячэнне бяспекі, суверэнітэту, абарону нацыянальных інтарэсаў краіны, а таксама будуць служыць годным прыкладам у выкананні воінскага доўгу.
Як адзначыў начальнік ваеннага факультэта ГрДУ імя Янкі Купалы Лявонцій Паўлаў, хлопцы на працягу чатырох гадоў асвойвалі няпростую ваенную навуку, атрымлівалі навыкі і ўменні, неабходныя для іх прафесійнай дзейнасці, і зусім хутка яны папоўняць ганаровыя шэрагі афіцэрскага корпуса Рэспублікі Беларусь. 37 выпускнікоў Купалаўскага ўніверсітэта розных спецыялізацый ваеннай справы адправяцца праходзіць службу ў воінскіх фарміраваннях і рэгіёнах нашай краіны, дзе з гонарам будуць несці высокае званне «афіцэр беларускага войска».
У ходзе ўрачыстай цырымоніі афіцэрам ваеннага факультэта Гродзенскага дзяржаўнага універсітэта імя Янкі Купалы, у сувязі са святкаваннем 15-годдзя, былі ўручаны заслужаныя ўзнагароды. Завяршыў святочнае мерапрыемства, прысвечанае юбілейнага выпуску афіцэраў, пляц-канцэрт роты ганаровай варты ваеннага факультэта і паказальнае выступленне ваеннага аркестра 6-ай асобнай гвардзейскай механізаванай брыгады Гродзенскага гарнізона.
Адзначым, што ваенны факультэт Купалаўскага ўніверсітэта - адзінае ваенную навучальную ўстанову ў Рэспубліцы Беларусь, якое на працягу ўжо 15 гадоў рыхтуе кадравых афіцэраў па спецыяльнасцях «Тылавое забеспячэнне войскаў харчаваннем і рэчавай маёмасцю» і «Фізічная падрыхтоўка ваеннаслужачых" у інтарэсах Узброеных Сіл, унутраных войскаў Міністэрства ўнутраных спраў, камітэта дзяржаўнай бяспекі і органаў памежнай службы Дзяржаўнага пагранічнага камітэта Рэспублікі Беларусь.
З моманту адкрыцця ваенны факультэт выпусціў 356 кадравых афіцэраў, 1391 афіцэра запасу 2 369 малодшых камандзіраў. Іх падрыхтоўка ўскладзена на згуртаваная каманду прафесійных выкладчыкаў.
Гродзенскі дзяржаўны ўніверсітэт імя Янкі Купалы