Усяго ў Гродзенскай вобласці абітурыентамі ўжо выканана 14517 тэстаў, гэта 80% ад зарэгістраваных на ЦТ.
Заўтра, 10 ліпеня, абітурыенты будуць здаваць ЦТ па фізіцы, пасля чаго ім застанецца здаць яшчэ тры тэсты: 12 ліпеня напішуць гісторыю Беларусі, геаграфію - 14, сусветную гісторыю (найноўшы час) - 16 ліпеня.
Тэрміны перарэгістрацыі абітурыентаў для праходжання ЦТ у рэзервовыя дні - з 12 па 17 ліпеня. Для рэгістрацыі неабходна з'явіцца ў названыя даты па адрасе: вул. Кастрычніцкая, 5, мець з сабой пашпарт, пропуск, дакумент, які пацвярджае ўважлівую прычыну няяўкі. Дарэчы, у ГрДУ імя Янкі Купалы рэзервовы дзень будзе праходзіць упершыню. 19 і 21 ліпеня можна будзе напісаць беларускую і рускую мовы, 19 і 23 ліпеня - грамадазнаўства, матэматыку, замежную мову, хімію, фізіку, гісторыю Беларусі, геаграфію, сусветную гісторыю (найноўшы час).
Варта адзначыць, што 7 ліпеня ўжо з'явіліся вынікі ЦТ па беларускай мове. З 18 606 тых, хто зарэгістраваўся, 100 балаў у 78 чалавек. Для параўнання, у 2019 годзе вышэйшы бал зарабілі 42 абітурыенты. Не з'явіліся для напісання тэстаў 4%.
Гродзенскі дзяржаўны ўніверсітэт імя Янкі Купалы