Электронная рэгістрацыя абітурыентаў у гэтым годзе ўпершыню папярэднічае працу традыцыйнай прыёмнай камісіі.
Нагадаем, што прыёмная кампанія ў гэтым годзе стартуе ў краіне з 25 ліпеня. Падаць дакументы ва ўстановы вышэйшай адукацыі для навучання на бюджэтнай аснове можна будзе да 31 ліпеня, на платнай - да 15 жніўня. У Купалаўскім універсітэце цяпер праходзіць электронная рэгістрацыя абітурыентаў, якая з'яўляецца папярэднім этапам прыёмнай кампаніі.
- Магчымасцю зарэгістравацца на электронным сэрвісе і падаць дакументы ў лічбавую прыёмную камісію ўжо скарысталіся больш за 2000 чалавек, - распавёў прарэктар па вучэбнай працы ГрДУ імя Янкі Купалы Юрый Бялых. - І гэтая лічба вельмі хутка расце. Відавочна, што наш новы сэрвіс падабаецца абітурыентам.
Для таго, каб падаць дакументы ў лічбавую прыёмную камісію Гродзенскага дзяржаўнага ўніверсітэта імя Янкі Купалы, неабходна зарэгістравацца на сайце www.abit.by. Далейшыя крокі падкажа сістэма. На любым этапе можна звязацца са спецыялістамі, якія акажуць дапамогу ў рэгістрацыі, а таксама дапамогуць вызначыцца з профілем навучання і выбарам факультэта. Арыгіналы дакументаў у прыёмную камісію прадастаўляюцца асабіста: абітурыент прыходзіць у любы зручны для яго час, папярэдне зарэгістраваўшыся ў электроннай чарзе. Перавагі для абітурыентаў складаюцца ў тым, што працэс падачы дакументаў у гэтым выпадку займае лічаныя хвіліны.
- Мы працягваем удасканальваць сэрвіс, уважліва сочым за водгукамі абітурыентаў, - адзначыў прарэктар па вучэбнай працы ГрДУ імя Янкі Купалы Юрый Бялых. - Акрамя таго, хацелася б звярнуць увагу, што сэрвіс даступны таксама і для бацькоў абітурыентаў. Мы разумеем, што бацькі хвалююцца, перажываюць, быць можа, іх цікавяць нейкія пытанні, якія яны могуць задаць, не выходзячы з дому, нашым спецыялістам, кансультантам, выкарыстоўваючы электронны сэрвіс.
Прайсці працэдуру электроннай рэгістрацыі і падаць дакументы ў лічбавую прыёмную камісію абітурыенты могуць таксама пры дапамозе сваіх тэлефонаў. Сэрвіс даступны і ў мабільнай версіі. У Гродзенскім дзяржаўным універсітэце імя Янкі Купалы разлічваюць, што да моманту афіцыйнага старту прыёмнай кампаніі, да 25 ліпеня, працэдуру электроннай рэгістрацыі пройдуць практычна ўсе абітурыенты гэтага года.
Гродзенскі дзяржаўны ўніверсітэт імя Янкі Купалы