Нацыянальны дыплом кандыдата фізіка-матэматычных навук і дыплом доктара філасофіі (PhD) былі ўручаны выпускніку аспірантуры нашага ўніверсітэта з Кітайскай Народнай Рэспублікі Чжан Біньбінь.
Чжан Біньбінь навучаўся ў аспірантуры Купалаўскага ўніверсітэта па спецыяльнасці «Дыферэнцыяльныя ўраўнанні, дынамічныя сістэмы і аптымальнае кіраванне» пад кіраўніцтвам доктара фізіка-матэматычных навук, прафесара, прафесара кафедры матэматычнага аналізу, дыферэнцыяльных раўнанняў і алгебры Івана Мартынава. Кандыдацкая дысертацыя на тэму «Рацыянальныя рашэння дыферэнцыяльных раўнанняў і сістэм вышэйшых парадкаў» была абаронена ў тэрмін навучання ў аспірантуры ў савеце па абароне дысертацый пры ГрДУ імя Янкі Купалы.
У перыяд трохгадовага навучання ў нашым універсітэце Чжан Біньбінь стаў аўтарам 18 навуковых прац, 10 з якіх прадстаўлены ў рэцэнзуемых выданнях, уключаных у пералік Вышэйшай атэстацыйнай камісіі для апублікавання вынікаў дысертацыйных даследаванняў. За поспехі ў навуковай і вучэбнай рабоце Чжан Біньбінь быў узнагароджаны Граматай Гродзенскага дзяржаўнага ўніверсітэта імя Янкі Купалы.
Навучанне ажыццяўлялася за кошт сродкаў рэспубліканскага бюджэту на падставе Пагаднення паміж Урадам Рэспублікі Беларусь і Урадам Кітайскай Народнай Рэспублікі аб супрацоўніцтве ў сферы адукацыі.
Гродзенскі дзяржаўны ўніверсітэт імя Янкі Купалы