Мерапрыемства для вучняў 10-11 класаў, якія плануюць паступаць у Купалаўскі ўніверсітэт, адбудзецца 13 сакавіка.
У праграме Дня адчыненых дзвярэй - прэс-канферэнцыя з прадстаўнікамі факультэта, а таксама знаёмства з інтэрактыўнымі пляцоўкамі шасці спецыяльнасцяў, сярод якіх «Журналістыка», «Інфармацыя і камунікацыя», «Сацыялогія», «Гісторыя», Лінгвістычнае забеспячэнне міжкультурных камунікацый», «Турызм і гасціннасць». Абітурыентаў і іх бацькоў запросяць далучыцца да майстар-класаў, воркшопах, прайсці прафесійныя пробы, наведаць віртуальную экскурсію, а таксама атрымаць кансультацыі загадчыкаў кафедрамі, пазнаёміцца са студэнтамі і выпускнікамі факультэта.
- Абітурыенты, якія выбіраюць факультэт гісторыі, камунікацыі і турызму, апускаюцца ў крэатыўную сераду, вучацца ў цікавых выкладчыкаў, назапашваюць вопыт, неабходны для прафесійнага росту - атрымліваюць усё тое, што сёння стварае неабходны падмурак паспяховасці, - адзначыў дэкан факультэта Віктар Белазаровіч. - Сучаснае жыццё патрабуе бесперапыннай адукацыі. На факультэце гісторыі, камунікацыі і турызму кожны студэнт атрымлівае не толькі прафесію, але і аснову для асобаснага развіцця.
Падрабязная інфармацыя аб мерапрыемстве, праграма Дня адчыненых дзвярэй і папярэдняя рэгістрацыя ўдзельнікаў даступная па спасылцы https://mediadom.grsu.by/fikit.html.
Рабі правільна - паступай у ГрДУ імя Янкі Купалы!
Гродзенскі дзяржаўны ўніверсітэт імя Янкі Купалы