Сустрэча будучых сацыёлагаў і журналістаў з першым прарэктарам Купалаўскага ўніверсітэта, членам савета Рэспублікі Нацыянальнага сходу Рэспублікі Беларусь Алегам Раманавым адбылася 4 сакавіка.
Звяртаючыся да студэнтаў, Алег Раманаў адзначыў, што напярэдадні VI Усебеларускага народнага сходу была праведзена вялікая і сістэмная падрыхтоўчая праца. У буйнамаштабным сацыялагічным даследаванні прынялі ўдзел больш за дзесяць тысяч рэспандэнтаў. Сабраная інфармацыя паслужыла асновай для сур'ёзнай аналітычнай працы і далейшага асэнсавання. Таксама першы прарэктар Купалаўскага ўніверсітэта абмеркаваў з будучымі сацыёлагамі і журналістамі, якія пытанні падымаліся падчас шматлікіх дыялогавых пляцовак, якія былі арганізаваны на базе ГрДУ імя Янкі Купалы.
- Праца дыскусійных пляцовак была максімальна адкрытай. Права прымаць у іх удзел было прадстаўлена ўсім жадаючым. Свае прапановы выказвалі прадстаўнікі розных палітычных сіл, - падкрэсліў Алег Раманаў.
Дэлегат і спікер VI Усебеларускага народнага сходу Алег Раманаў пагаварыў са студэнтамі аб асноўных напрамках сацыяльна-эканамічнага развіцця Рэспублікі Беларусь на бліжэйшыя 5 гадоў, якія былі прадметам абмеркавання на народным форуме. Асаблівы акцэнт сенатар зрабіў на развіцці рэгіёнаў і на неабходнасці далейшага ўдасканалення дэмаграфічнай палітыкі ў нашай краіне. Ён адзначыў, што павышэнне якасці і ўзроўню жыцця насельніцтва за кошт эфектыўнай эканамічнай палітыкі, рашэнне дэмаграфічных праблем, актывізацыя творчага, навуковага патэнцыялу, якім валодае сучасная беларуская моладзь, з'яўляюцца першачарговымі асновамі забеспячэння сацыяльнай стабільнасці ў беларускім грамадстве.
Гродзенскі дзяржаўны ўніверсітэт імя Янкі Купалы