Інтэлектуальныя гульні, квіз, конкурс эсэ і юрыдычны турнір пройдуць у Купалаўскім універсітэце на працягу бліжэйшага тыдня.
Арганізатарамі цыклу мерапрыемстваў «Канстытуцыя маёй краіны» выступаюць прадстаўнікі юрыдычнага і філалагічнага факультэтаў ГрДУ імя Янкі Купалы.
11 і 12 сакавіка праходзяць сустрэчы каманд студэнтаў юрыдычнага факультэта ў рамках прававога квіз «Ведаць. Паважаць. Выконваць». Каманда-пераможца па выніках усіх трох тураў квіз атрымае права прыняць удзел у інтэлектуальнай гульні «Асоба, грамадства, дзяржава», якая адбудзецца ў Купалаўскім універсітэце 15 сакавіка - у Дзень Канстытуцыі Рэспублікі Беларусь. Інтэлектуальная гульня аб'яднае ўсіх студэнтаў і супрацоўнікаў Гродзенскага дзяржаўнага ўніверсітэта імя Янкі Купалы, якія цікавяцца канстытуцыйнымі асновамі прававога статусу асобы, дзяржаўнага і грамадскага ладу.
У рамках цыклу мерапрыемстваў «Канстытуцыя маёй краіны» запланавана таксама правядзенне інтэлектуальнай гульні «Я ведаю!» для студэнтаў 1 курса юрыдычнага факультэта ГрДУ імя Янкі Купалы. Адборачныя туры працягнуцца да 16 сакавіка, фінальная гульня адбудзецца 17 сакавіка. У перыяд з 15 па 19 сакавіка будзе праходзіць юрыдычны турнір, у якім змогуць прыняць удзел каманды студэнтаў 1 - 3 курсаў юрыдычнага факультэта.
Усе студэнты, а таксама курсанты Купалаўскага ўніверсітэта запрашаюцца да ўдзелу ў конкурсе эсэ «Тысяча слоў у абарону канстытуцыйных каштоўнасцей». Эсэ неабходна выслаць у тэрмін да 17 сакавіка на адрас электроннай пошты irvis60@mail.ru.
Лепшыя з прадстаўленых эсэ будуць адзначаны дыпломамі, астатнія ўдзельнікі атрымаюць сертыфікаты. Пераможца конкурсу атрымае права апублікаваць эсэ ў газеце «Гродзенскі ўніверсітэт».
Цыкл мерапрыемстваў «Канстытуцыя маёй краіны» праводзіцца з мэтай фарміравання ў студэнтаў актыўнай грамадзянскай пазіцыі і нацыянальнай самасвядомасці, павышэння ўзроўню прававых ведаў і прававой культуры сярод студэнтаў юрыдычных спецыяльнасцяў.
Гродзенскі дзяржаўны ўніверсітэт імя Янкі Купалы