Свята, якое сімвалізуе ва ўсходніх народаў вясну і новае жыццё, адбудзецца ў ГрДУ імя Янкі Купалы 18 і 19 сакавіка.
У рамках фестывалю запланавана правядзенне турніру па футболе, конкурсу эсэ і канцэрта мастацкай самадзейнасці. Тэмамі эсэ стануць «Гродна - моладзевая сталіца Беларусі», «Наўруз Байрам», «ГрДУ - універсітэт будучыні», «Мая радзіма», «Кавалачак маёй радзімы ў Беларусі». Канцэрт мастацкай самадзейнасці 19 сакавіка аб'яднае студэнтаў і творчыя калектывы ўніверсітэта. Пачатак у 15.00. Турнір па футболе правядуць у ГрДУ імя Янкі Купалы 18 сакавіка ў 12.00.
Фестываль «Наўруз Байрам» традыцыйна стане святочнай падзеяй не толькі для замежных студэнтаў, але і выдатнай магчымасцю для купалаўцаў пазнаёміцца з іншай культурай.
Гродзенскі дзяржаўны ўніверсітэт імя Янкі Купалы