Падчас акцыі па азеляненні і добраўпарадкаванні горада ў рамках Рэспубліканскага суботніка студэнты і супрацоўнікі Купалаўскага ўніверсітэта высадзілі 500 кустоў і 120 дрэў.
Работы па добраўпарадкаванні праходзілі ў мікрараёне Дзевятоўка. Тут у раёне вуліцы Ліможа сіламі студэнтаў і супрацоўнікаў Купалаўскага ўніверсітэта сумесна з прадстаўнікамі кіраўніцтва і супрацоўнікаў адміністрацыі Ленінскага раёна г. Гродна быў высаджаны сквер, а таксама выканана азеляненне тэрыторыі паблізу СШ № 27.
Па словах кіраўніка адміністрацыі Ленінскага раёна Івана Курмана, гэтыя аб'екты для азелянення былі выбраны не выпадкова. Месяц таму ў час сустрэчы з мэрам горада Гродна Мечыславам Гоем студэнты ГрДУ імя Янкі Купалы выступілі з шэрагам ініцыятыў па добраўпарадкаванні горада, у тым ліку па азеляненні мікрараёна Дзевятоўка, дзе знаходзіцца інтэрнат № 5 Купалаўскага ўніверсітэта. Мечыслаў Гой падтрымаў ідэі студэнтаў-купалаўцаў, запэўніўшы ў іх хутчэйшай рэалізацыі.
Як адзначыў адзін з удзельнікаў акцыі, студэнт інжынерна-будаўнічага факультэта Мар'ян Кропа, падобныя мерапрыемствы не толькі спрыяюць добраўпарадкаванню горада, але і дазваляюць з'яднаць студэнцкую супольнасць, з'яўляюцца цудоўнай альтэрнатывай актыўнага правядзення часу і вольнага часу студэнтаў.
Мерапрыемствы ў рамках суботніка ў ГрДУ імя Янкі Купалы будуць працягнутыя. У планах - уборка і добраўпарадкаванне тэрыторый навучальных карпусоў і інтэрнатаў.
Гродзенскі дзяржаўны ўніверсітэт імя Янкі Купалы