Прадстаўніца Купалаўскага ўніверсітэта Ангеліна Цяплова заняла 3 месца ў секцыі «Студэнты (магістранты)».
Міжнародная навуковая алімпіяда па мытным праве праводзілася з 20 па 25 сакавіка пры падтрымцы Міністэрства навукі і вышэйшай адукацыі Расійскай Федэрацыі, Таварыства навукі і творчасці Казанскага федэральнага ўніверсітэта. У ёй бралі ўдзел 50 чалавек - сярод іх школьнікі, студэнты і выкладчыкі. Пераможцаў алімпіяды вызначалі па выніках трох блокаў заданняў. У рамках першага блока ўдзельнікам прапаноўвалася напісаць эсэ, у ходзе другога блока - адказаць на тры адкрытыя пытанні, а трэці блок меркаваў рашэнне кейса на зададзеную тэму.
Па выніках міжнароднай алімпіяды студэнтка 4 курса спецыяльнасці «Мытная справа» юрыдычнага факультэта ГрДУ імя Янкі Купалы Ангеліна Цяплова ўвайшла ў лік пераможцаў, заняўшы 3 месца ў секцыі «Студэнты (магістранты)». Навуковы кіраўнік студэнткі - дацэнт кафедры міжнароднага права Андрэй Багустаў.
Гродзенскі дзяржаўны ўніверсітэт імя Янкі Купалы