Удзельнікі сустрэчы абмеркавалі пытанні рэалізацыі маладзёжнай палітыкі ў рэгіёне, а таксама асаблівасці правядзення будучай уступнай кампаніі.
У абмеркаванні актуальных тэм таксама прымалі ўдзел работнікі ўпраўлення па забеспячэнні дзейнасці Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльным развіцці. Падчас сустрэчы былі закрануты розныя аспекты дзейнасці Купалаўскага ўніверсітэта, у тым ліку і арганізацыя выхаваўчай работы ва ўстанове адукацыі.
Так, было адзначана, што адной з моладзевых ініцыятываў Гродзенскага дзяржаўнага ўніверсітэта імя Янкі Купалы з'яўляецца правядзенне грамадзянска-патрыятычнага марафона «Разам - за моцную і квітнеючую Беларусь!». У гэтым годзе ў фінальных конкурсных выпрабаваннях марафону, якія будуць праходзіць з 4 па 6 мая, прымуць удзел каманды 13 устаноў вышэйшай адукацыі краіны. Урачыстая цырымонія закрыцця Рэспубліканскага грамадзянска-патрыятычнага марафона «Разам - за моцную і квітнеючую Беларусь!» адбудзецца 6 мая на стадыёне Гродзенскага абласнога комплекснага цэнтра алімпійскага рэзерву.
Гродзенскі дзяржаўны ўніверсітэт імя Янкі Купалы