Ініцыятарамі квізу выступілі прадстаўнікі Савета маладых спецыялістаў ГрДУ імя Янкі Купалы і Каардынацыйнага студэнцкага савета.
У інтэлектуальнай гульні прынялі ўдзел каманды факультэтаў псіхалогіі, біялогіі і экалогіі, матэматыкі і інфарматыкі, фізіка-тэхнічнага, педагагічнага і юрыдычнага факультэтаў, а таксама факультэта эканомікі і кіравання і факультэта гісторыі, камунікацыі і турызму. Удзельнікі квізу павінны былі даць правільныя адказы на сорак адкрытых пытанняў, уключаючы пытанні з выявамі і відэаматэрыяламі на агульную эрудыцыю, пытанні з вобласці гісторыі, літаратуры, геаграфіі, кінематографа, правы і іншых сфер дзейнасці.
Па выніках квізу першае месца заняла каманда факультэта гісторыі, камунікацыі і турызму, другое месца прысуджана камандзе юрыдычнага факультэта, трэцяга месца ўдастоена каманда факультэта псіхалогіі ГрДУ імя Янкі Купалы. Усе ўдзельнікі інтэлектуальнай гульні заахвочаны рэкламна-іміджавай прадукцыяй універсітэта, а пераможцы і прызёры ўзнагароджаны дыпломамі.
Інтэлектуальная гульня для маладых спецыялістаў і студэнтаў факультэтаў Купалаўскага ўніверсітэта была арганізавана з мэтай садзейнічання фарміраванню і развіццю нацыянальнай самасвядомасці ў прадстаўнікоў маладога пакалення, а таксама далучэння студэнцкай моладзі да беларускай нацыянальнай культуры.
Гродзенскі дзяржаўны ўніверсітэт імя Янкі Купалы