Гродненский государственный университет имени Янки Купалы - Рэктар Купалаўскага ўніверсітэта Ірына Кітурка прымае ўдзел у Форуме Асацыяцыі ВНУ Расіі і Беларусі.

Трэці Форум Асацыяцыі ВНУ Расіі і Беларусі праходзіць 28 чэрвеня ў фармаце онлайн.

У мерапрыемстве прымаюць удзел кіраўнікі і прадстаўнікі расійскіх і беларускіх універсітэтаў, якія абмяркоўваюць ключавыя пытанні адукацыйнага і навуковага супрацоўніцтва расійскіх і беларускіх універсітэтаў, выклікі цяперашняга часу, вектары далейшага развіцця навукова-адукацыйных сувязяў дзвюх краін.

З прывітальным словам да ўдзельнікаў Форуму звярнуліся Міністр навукі і вышэйшай адукацыі Расійскай Федэрацыі Валерый Фальк, а таксама Міністр адукацыі Рэспублікі Беларусь Ігар Карпенка.

Падчас пленарнага пасяджэння прагучалі даклады мадэратараў форума - акадэміка, прэзідэнта Расійскага Саюза рэктараў Віктара Садаўнічага і прафесары, старшыні Рэспубліканскага савета рэктараў устаноў вышэйшай адукацыі Беларусі Вадзіма Богуша.

Праца удзельнікаў Форуму працягнулася ў рамках трох секцыйных пасяджэнняў: «Універсітэты і грамадства», «Універсітэцкая навука і высокія тэхналогіі: ад ідэі да камерцыялізацыі» і «Вопыт навучання на адлегласці і цыфравізацыі ўніверсітэтаў».

У першай секцыі з дакладам «Выхаванне патрыёта і грамадзяніна - найважнейшая задача ўстановы вышэйшай адукацыі» выступіла рэктар ГрДУ імя Янкі Купалы Ірына Кітурка. У сваёй прамове яна адзначыла, што адна з асноўных задач дзяржаўнай маладзёжнай палітыкі - выхаваць грамадзяніна-патрыёта, здольнага тварыць і ствараць у імя сваёй Айчыны:

- Час дэманструе нам, што маладзёжную палітыку нельга зводзіць толькі да пытанняў матэрыяльных выгод і сацыяльных гарантый. Для развіцця і росквіту дзяржавы недастаткова, каб малады чалавек проста атрымаў адукацыю і стаў прафесіяналам у абранай спецыяльнасці. Важна, каб маладыя людзі былі гатовыя працаваць на карысць сваёй краіны, усведамляючы сябе яе грамадзянамі і патрыётамі.

У сваім дакладзе Ірына Фёдараўна распавяла аб Купалаўскім універсітэце і яго патэнцыяле для моладзі ў розных сферах дзейнасці, а таксама падкрэсліла, што выхаванне патрыёта і грамадзяніна не з'яўляецца асобным адасобленым працэсам. Гэта бесперапынны працэс, які пранізвае ўсе складнікі студэнцкага жыцця: вучобу, навуковую працу, пазавучэбную дзейнасць. Акрамя таго, рэктар распавяла, што ў рамках арганізацыі і развіцця грамадзянска-патрыятычнага выхавання моладзі ўніверсітэт стварае ўмовы для самарэалізацыі кожнага навучэнца ў галіне навукова-даследчай і інавацыйнай дзейнасці. Напрыканцы свайго выступу Ірына Фёдараўна адзначыла, што ў інфармацыйнай прасторы, карпаратыўнай супольнасці, знешнім асяроддзі, традыцыйна Купалаўскі ўніверсітэт пазіцыянуецца як універсітэт магчымасцяў кожнага, дзе, вынікаючы з Місіі ўніверсітэта, ствараюцца неабходныя ўмовы для рэалізацыі патэнцыялу моладзі як прафесіянала, грамадзяніна, патрыёта.

Вынікі працы Форуму рэктараў у далейшым будуць прадстаўлены на Форуме рэгіёнаў Расіі і Беларусі.

Нагадаем, першы Форум рэктараў ВНУ Расіі і Беларусі адбыўся 16 ліпеня 2019 года на базе Санкт-Пецярбургскага дзяржаўнага ўніверсітэта прамысловых тэхналогій і дызайну ў рамках VI Форуму рэгіёнаў Расіі і Беларусі.

Дзейнасць Асацыяцыі прадугледжвае штогадовае правядзенне Форуму рэктараў ВНУ Расіі і Беларусі. Стварэнне Асацыяцыі арыентавана на рэалізацыю навуковых і адукацыйных праектаў, узаемавыгаднае выкарыстанне патэнцыялу ВНУ дзвюх краін і развіццё акадэмічнай мабільнасці.