Да канца шостага дня работы прыёмнай камісіі ў Купалаўскі ўніверсітэт дакументы падалі 2076 абітурыентаў, з іх на дзённую форму атрымання вышэйшай адукацыі - 1499; на завочную і завочную скарочаную - 411 і на дыстанцыйную - 166.
На дадзены момант прамежкавы найбольшы конкурс па дзённай бюджэтнай форме навучання сфармаваўся на наступныя спецыяльнасці: 7,6 на групу спецыяльнасцяў "Дызайн" і 5,0 на спецыяльнасць "Лінгвістычнае забеспячэнне міжкультурных камунікацый". Па завочнай бюджэтнай форме - 5,8 на спецыяльнасць "Выяўленчае мастацтва і кампутарная графіка" (скар.) і 4,2 на спецыяльнасць "Транспартная лагістыка (аўтамабільны транспарт)" (скар.).
З усіх абітурыентаў, якія падалі дакументы ў ГрДУ імя Янкі Купалы на працягу першых шасці дзён уступнай кампаніі, 36 маюць магчымасць стаць студэнтамі без уступных выпрабаванняў, 26 паступаюць па-за конкурсам; 336 абітурыентаў маюць агульную суму балаў 300 і вышэй, а 9 абітурыентаў з'яўляюцца пераможцамі рэспубліканскай алімпіяды. Для атрымання другой вышэйшай адукацыі пададзена 10 заяў.
Ужо стала добрай традыцыяй падаваць дакументы ў Прыёмную камісію Купалаўскага ўніверсітэта ў свой дзень нараджэння і нават у дзень паўналецця. Так, у шосты дзень працы прыёмнай кампаніі 2021 ГрДУ імя Янкі Купалы прыйшоў падаваць дакументы на факультэт матэматыкі і інфарматыкі ў свой 18-ы дзень нараджэння Вітко Дзяніс, выпускнік ДУА «Гімназія №3 г. Гродна». Намеснік адказнага сакратара прыёмнай камісіі ГрДУ імя Янкі Купалы Аляксандр Міхайлавіч Кулікоў ўручыў юнаку сімвалічны падарунак і пажадаў поспехаў пры залічэнні. Падарунак ад Купалаўскага універсітэта стаў для абітурыента прыемнай нечаканасцю, а падача дакументаў ператварылася ў сапраўднае свята.
Прыём дакументаў у абітурыентаў, якія выказалі жаданне навучацца за кошт сродкаў бюджэту, падыходзіць да завяршэння. 26 ліпеня - апошні дзень падачы дакументаў на бюджэтную форму атрымання адукацыі. Праца прыёмнай камісіі ў ГрДУ імя Янкі Купалы працягнецца да 9 жніўня. На працягу яшчэ двух тыдняў будзе ісці прыём дакументаў ад абітурыентаў, якія жадаюць навучацца на платнай аснове. Унутраныя ўступныя выпрабаванні будуць праводзіцца згодна з раскладам ў перыяд з 27 ліпеня па 4 жніўня, інфармацыя пра дату і час яўкі абітурыента на экзамен прадстаўлена ў яго Лічбавым кабінеце.
У ГрДУ імя Янкі Купалы вядзецца актыўны набор на спецыяльнасці дзённай бюджэтнай формы атрымання вышэйшай адукацыі фізіка-тэхнічнага, інжынерна-будаўнічага і машынабудаўнічага профілю, а таксама на новыя спецыяльнасці 2021 года - "Электрычны і аўтаномны транспарт" факультэта інавацыйных тэхналогій машынабудавання, а таксама "Сацыяльная і псіхолага-педагагічная дапамога" педагагічнага факультэта.
Арганізавана дыстанцыйнае кансультаванне абітурыентаў і іх бацькоў, кантакты факультэтаў для кансультавання даступныя ў Лічбавым кабінеце абітурыента.
Падрабязную інфармацыю пра ход прыёмнай кампаніі, прапанаваныя спецыяльнасці, тэрміны падачы дакументаў і правядзення ўступных выпрабаванняў можна даведацца на сайце www.abit.by, у пункце работы прыёмнай камісіі Гродзенскага дзяржаўнага ўніверсітэта імя Янкі Купалы па адрасе: вул. Леніна, 32 (ваенны факультэт - Ажэшкі, 22); а таксама па тэлефонах:
+375 (152) 67-01-01 (шматканальны)
МТС +375 (33) 35 44 500
Life +375 (22) 77 44 50000
Гродзенскі дзяржаўны ўніверсітэт імя Янкі Купалы