Пагадненне паспрыяе актывізацыі работы з замежнымі выпускнікамі і падтрыманню пераемнасці.
Падпісана пагадненне было ў рамках Міжнароднага адукацыйнага форуму адзінства замежных выпускнікоў беларускіх (савецкіх) ВНУ і краін СНД, які праходзіў у Мінску і Брэсце з 4 па 9 кастрычніка. Абодва бакі вызначылі вектары супрацоўніцтва і напрамкі сумеснай арганізацыі адукацыйных, вучэбна-выхаваўчых, грамадска-культурных і іншых мерапрыемстваў.
Таксама ў рамках форуму была арганізавана выстава-прэзентацыя ВНУ «Адукацыя будучыні», дзе ГрДУ імя Янкі Купалы прадставіў распрацоўку «Лічбавы ўніверсітэт». Удзельнікі форуму маглі азнаёміцца з тым, як уладкованая праца ў Купалаўскім універсітэце.
Пасля выставы госці форуму сталі ўдзельнікамі пленарнага пасяджэння, дзе іх павітаў Міністр адукацыі Рэспублікі Беларусь Ігар Карпенка, а таксама прагучалі асноўныя даклады аб метадах грамадскай дыпламатыі, вопыце ўзаемадзеяння нацыянальных аб'яднанняў і іх ролі ў розных аспектах міжнароднага супрацоўніцтва.
Гродзенскі дзяржаўны ўніверсітэт імя Янкі Купалы