«Covid-патруль» - рэспубліканская акцыя, якая была ініцыяваная актывістамі БРСМ , ГА "БСЖ" і РГА "Белая Русь". Валанцёры Купалаўскага ўніверсітэта таксама далучыліся да патрулю.
У «Covid-патруля», нягледзячы на яго назву, выключна асветніцкая задача. Міліцыя з валанцёрамі не ходзіць, людзей без масак ня штрафуюць, але нагадваюць пра важнасць сродкаў індывідуальнай абароны. Таксама валанцёры распавядаюць аб існуючых вакцынах, якія дзейнічаюць у горадзе пунктах вакцынацыі, пра неабходнасць прышчапляцца. Як распавяла сакратар першаснай арганізацыі БРСМ ГрДУ імя Янкі Купалы Вольга Русілка, усе валанцёры, якія далучыліся да патрулю, вакцынаваліся. Акрамя таго, яны прайшлі спецыяльную падрыхтоўку, дзе рабятам распавялі пра карысць вакцынацыі і пра міфы, якія спадарожнічаюць прывівачнай кампаніі.
Праводзіць інфармацыйную працу валанцёры выходзяць з 18.00 да 20.00. У гэты адрэзак часу, як правіла, канцэнтрацыя людзей у грамадскіх месцах узрастае. Купалаўцы распавядаюць не толькі аб мерах бяспекі, але і раздаюць спецыяльныя памяткі, да якіх чалавек можа вярнуцца, калі не ўзгадае які-небудзь аспект, звязаны з вакцынацыяй.
Гродзенскі дзяржаўны ўніверсітэт імя Янкі Купалы