Мерапрыемствы былі прысвечаны праблемам мадэрнізацыі магістарскіх праграм ІТ-профілю, а таксама пытанням кіраванне ІКТ для глабальнай канкурэнтаздольнасці і эканамічнага росту ў краінах з эканомікай, якая развіваецца.
У кастрычніку ў Мінску на базе Беларускага дзяржаўнага ўніверсітэта інфарматыкі і радыёэлектронікі адбыўся семінар прадстаўнікоў 5 беларускіх ВНУ-партнёраў, якія ўдзельнічаюць у адукацыйным праекце "MaCICT": Гродзенскага дзяржаўнага ўніверсітэта імя Янкі Купалы, Брэсцкага дзяржаўнага тэхнічнага ўніверсітэта, Беларускага дзяржаўнага ўніверсітэта інфарматыкі і радыё тэхнічнага ўніверсітэта імя П.О. Сухога і Полацкага дзяржаўнага ўніверсітэта. Удзел у семінары ў анлайн-фармаце прынялі прафесары еўрапейскіх ВНУ-партнёраў: Універсітэта прыкладных навук рэгіёну Эмдэн/Леер (Германія), Тэхналагічнага ўніверсітэта Лапеэнранта (Фінляндыя) і Вроцлаўскага ўніверсітэта (Польшча). У рамках семінара былі праведзены воркшопы, падчас якіх удзельнікі працавалі ў камандах, стваралі, абмяркоўвалі і абаранялі педагагічныя праекты.
І нядаўна ва Вроцлаўскім універсітэце адбылася VIII Міжнародная канферэнцыя «Кіраванне ІКТ для глабальнай канкурэнтаздольнасці і эканамічнага росту ў краінах з эканомікай, якая развіваецца – ICTM 2021». На канферэнцыі, якая праходзіла ў рамках міжнароднага адукацыйнага праекта "MaCICT", таксама выступілі з дакладамі прадстаўнікі ГрДУ імя Янкі Купалы: загадчык кафедры сучасных тэхналогій праграмавання Лада Рудзікава, дацэнты кафедры сучасных тэхналогій праграмавання Ганна Карканіца і Ганна Дзяйцава, дацэнт кафедры англійскай філалогіі Анатоль Багдзевіч, дацэнты кафедры рускай філалогіі Святлана Горская і Зоя Сідаровіч.
У рамках міжнароднага адукацыйнага праекта «MaCICT» структура і змест вучэбнага плана магістратуры Купалаўскага ўніверсітэта па спецыяльнасці «Камп'ютарная інжынерыя» былі істотна перагледжаны ў адпаведнасці з асноўнай мэтай праекта – паляпшэнне магчымасцяў працаўладкавання магістрантаў у сферы ІТ, падтрымка прадпрымальніцтва і адкрыцця сярэдніх і малых ІТ-прадпрыемстваў . Рэалізаваны індывідуальны падыход да навучання, абноўлены навучальныя матэрыялы з арыентацыяй на міждысцыплінарнае навучанне, а таксама ў навучальны план уключаны дысцыпліны для развіцця мяккіх навыкаў і кампетэнцый выпускніка, навыкаў прадпрымальніцкай дзейнасці і міжкультурных камунікацый.
Гродзенскі дзяржаўны ўніверсітэт імя Янкі Купалы