Адпаведныя сведчанні Купалаўцы атрымалі з рук рэктара на Савеце ўніверсітэта.
Каштоўным падарункам быў узнагароджаны Ігар Мартыненка, загадчык кафедры грамадзянскага права і працэсу, у сувязі з юбілеем, а таксама за шматгадовую плённую навуковую дзейнасць і падрыхтоўку юрыдычных кадраў.
Прэзідыум Вышэйшай атэстацыйнай камісіі Рэспублікі Беларусь зацвердзіў рашэнне рады па абароне дысертацый аб прысуджэнні вучонай ступені кандыдата гістарычных навук Юліі Ярмак, старшаму выкладчыку кафедры турызму і культурнай спадчыны.
Прэзідыум Вышэйшай атэстацыйнай камісіі Рэспублікі Беларусь прысвоіў наступным купалаўцам вучонае званне дацэнта. Віктару Варапаеву, намесніку дэкана факультэта інавацыйных тэхналогій машынабудавання; Наталлі Грынь, дацэнту кафедры матэматычнага і інфармацыйнага забеспячэння эканамічных сістэм; Анжэле Пеўневай, дацэнту кафедры педагогікі і псіхалогіі дзяцінства.
Дэкан факультэта гісторыі, камунікацыі і турызму Віктар Белазаровіч і Дзмітрый Сафончык, загадчык кафедры будаўнічай вытворчасці, былі ўзнагароджаны Ганаровай граматай Гродзенскага абласнога савета дэпутатаў за плённую навукова-педагагічную дзейнасць па падрыхтоўцы высокакваліфікаваных спецыялістаў.
Ганаровай граматай галоўнага ўпраўлення ідэалагічнай работы і па справах моладзі Гродзенскага абласнога выканаўчага камітэта была ўзнагароджана Алена Бэкман, старшы выкладчык кафедры педагогікі і сацыяльнай работы, за высокія дасягненні ў галіне выхавання і навучання студэнцкай моладзі.
Людмілу Аскірку, метадыста вышэйшай катэгорыі навучальнага аддзела, узнагародзілі Ганаровай граматай установы адукацыі "Гродзенскі дзяржаўны ўніверсітэт імя Янкі Купалы" за эфектыўнае выкананне работ па фарміраванні кантынгенту студэнтаў 1 і 2 ступеней вышэйшай адукацыі, якасную арганізацыю работы прыёмнай камісіі па наборы абітурыентаў, правядзенне ўступных іспытаў у 2021 годзе.
Гродзенскі дзяржаўны ўніверсітэт імя Янкі Купалы