Інтэнсіў-практыкум "Сучаснае ацяпляльнае абсталяванне" прайшлі студэнты інжынерна-будаўнічага факультэта спецыяльнасці "Цеплагазазабеспячэнне, вентыляцыя і ахова паветранага басейна". Ён адбыўся на базе рэсурснага цэнтра "ЭкаТэхнаПарк-Волма", размешчанага ў Мінскай вобласці.
У дзяцей была ўнікальная магчымасць пазнаёміцца з высокатэхналагічным абсталяваннем, якое выкарыстоўваецца ў іх прафесіі. У межах інтэнсіву студэнты наведалі больш за 10 адукацыйных пляцовак у рэсурсным цэнтры. Сярод іх сістэма кацельні на біяпаліве, лабараторыя біяэнергетыкі, а таксама лабараторыі "Разумны дом" і "Разумны раён". Студэнты пазнаёміліся з выкарыстаннем BIM тэхналогій у будаўніцтве, даведаліся аб эксплуатацыі аднаўляльных крыніц энергіі ў ЖКГ, пазнаёміліся з выкарыстаннем тэхналогій Hi-Tech у быце. І гэта далёка не поўны спіс атрыманых ведаў!
Дарэчы, стварэнне рэсурсных цэнтраў і навучанне на іх базе - адна з новых форм арганізацыі адукацыйнага працэсу. На пачатак 2021 года ў краіне іх было больш за 50. Рэсурсны цэнтр канцэнтруе і забяспечвае доступ да дэфіцытных і дарагіх рэсурсаў, неабходных для навучання. На базе рэсурсных цэнтраў арганізуецца практычнае навучанне і праходжанне вучэбнай і вытворчай практыкі. З пералікам і сферай дзейнасці рэсурсных цэнтраў можна азнаёміцца на сайце Рэспубліканскага інстытута прафесійнай адукацыі: http://www.ripo.unibel.by
Па пытаннях арганізацыі навучання і правядзення практык у рэсурсных цэнтрах неабходна звяртацца да кіраўніка практыкі ГрДУ імя Янкі Купалы Наталлі Хорашчавай.
Гродзенскі дзяржаўны ўніверсітэт імя Янкі Купалы