Тэлемост «Сіла закона» аб'яднаў больш за 300 чалавек і злучыў Гродна і Ліду. Ён быў прысвечаны новаму праекту Канстытуцыі. Галоўнымі спікерамі сталі старшыня аблвыканкама Уладзімір Каранік, старшыня абласнога Савета дэпутатаў Ігар Жук, намеснік старшыні аблвыканкама Віктар Пранюк, другі сакратар ЦК БРСМ Аляксандр Прохараў.
Працягваецца актыўнае грамадскае абмеркаванне прапанаваных змен у Канстытуцыю Рэспублікі Беларусь. Дыскусійныя форумы праходзяць на розных пляцоўках, чарговы стаў абласны Палац творчасці дзяцей і моладзі, дзе сабраўся актыў вобласці, сярод якога былі і купалаўцы. Акрамя таго, студэнты і выкладчыкі далучыліся да анлайн трансляцыі ў сценах універсітэта. Мерапрыемства прайшло ў фармаце адкрытага дыялогу і дало магчымасць задаць пытанні, што асабліва хвалююць спікераў.
Нагадаем, што ўчора адбылося абмеркаванне ў нашым універсітэце. За круглым сталом сабраліся старшыня Гродзенскага аблвыканкама Уладзімір Каранік, памочнік Прэзідэнта - інспектар па Гродзенскай вобласці Юрый Караеў, дэпутат Палаты прадстаўнікоў Нацыянальнага сходу Тамара Далгашэй, рэктар ГрДУ імя Янкі Купалы Ірына Кітурка, кіраўнікі структурных падраздзяленняў і студэнты.
Гэтая дыялогавая пляцоўка далёка не апошняя, у Купалаўскім універсітэце адбудзецца цэлая серыя дыскусійных форумаў, якія дапамогуць грамадзянам зрабіць усвядомлены выбар на будучым Рэферэндуме.
Гродзенскі дзяржаўны ўніверсітэт імя Янкі Купалы