На дадзеным этапе абмеркавання новага праекта Канстытуцыі на першы план выходзіць дадатковае растлумачэнне навэл і размова аб важнасці будучага Рэферэндуму. Сёння, 11 лютага, задаць свае пытанні экспертам маглі студэнты факультэта псіхалогіі і факультэта эканомікі і кіравання.
Спікерамі на дыскусійным форуме сталі дэпутат Палаты прадстаўнікоў Нацыянальнага сходу Рэспублікі Беларусь, старшыня Пастаяннай камісіі па дзяржаўным будаўніцтве, мясцовым самакіраванні і рэгламенце Валянцін Семяняка і рэктар Гродзенскага дзяржаўнага ўніверсітэта імя Янкі Купалы Ірына Кітурка. Гэта дыялогавая пляцоўка прадоўжыла серыю дыскусійных форумаў, прысвечаных новаму праекту Канстытуцыі рэспублікі.
Як адзначыла Ірына Фёдараўна, унясенне змяненняў у Асноўны Закон - гэта распаўсюджаная ва ўсім свеце практыка, якая дазваляе зрабіць заканадаўчую сістэму дзяржавы адпаведнай рэаліям часу:
- Акрамя таго, Канстытуцыя павінна мець і апераджальны характар, бо змены ў сучасным свеце адбываюцца імкліва. На дадзеным этапе ўсе мы рыхтуемся да Рэферэндуму, новы праект зацверджаны, засталося прыйсці і аддаць свой голас за лепшую будучыню Беларусі. А дыялогавыя пляцоўкі дапамогуць гэта зрабіць, бо кожны мае магчымасць задаць пытанне, нешта ўдакладніць і атрымаць кампетэнтны адказ.
Валянцін Семяняка падкрэсліў важнасць разумення ўнесеных змяненняў, растлумачыў, што яны дадуць і чаму наспела неабходнасць у рэфармаванні Канстытуцыі:
- Увесь працэс рэфармавання Канстытуцыі - гэта грамадзянскі дыялог, падчас якога і выпрацоўваліся ўсе прапановы. Кожны мог унесці свой уклад. Несумненна, Асноўны Закон схільны да мабільнасці, бо дзяржава і мір у цэлым не спыняюцца ў сваім развіцці. Канстытуцыя павінна ўмацоўваць дзяржаву, каб яна магла супрацьстаяць усім выклікам. А іх у сучасным свеце нямала, - адзначыў Валянцін Семяняка.
Падчас сустрэчы спікеры адказалі на пытанні аўдыторыі, якія закраналі розныя кірункі дзейнасці дзяржавы.
Гродзенскі дзяржаўны ўніверсітэт імя Янкі Купалы