За першынства ў турніры спартсменкі з пяці каманд будуць змагацца на працягу трох дзён - з 21 па 23 лютага.
Адкрыты турнір на Кубак рэктара праходзіць у Купалаўскім універсітэце восьмы раз. Упершыню спаборніцтвы па валейболе сярод жаночых каманд прайшлі ў ГрДУ імя Янкі Купалы падчас святкавання 75-годдзя і за некалькі гадоў сталі традыцыйнымі.
Сёлета валейбольная пляцоўка ўніверсітэта аб'яднала ў турнірных сустрэчах каманды Гродзенскага дзяржаўнага ўніверсітэта імя Янкі Купалы, Гродзенскага дзяржаўнага медыцынскага ўніверсітэта, Гродзенскай АСДЮШАР імя А.М.Сапегі, Беларускага дзяржаўнага ўніверсітэта, Балтыйскага федэральнага ўніверсітэта імя Імануіла Канта.
Першы прарэктар Гродзенскага дзяржаўнага ўніверсітэта імя Янкі Купалы Юрый Раманоўскі ў прывітальным слове падзякаваў камандам за візіт у Купалаўскі ўніверсітэт і адзначыў, што ў святочныя дні ў ім асабліва рады сустракаць гасцей:
– Спаборніцтвы адкрываюцца ў цудоўны святочны тыдзень. Сёння ва ўсім свеце адзначаецца Дзень роднай мовы, а заўтра Купалаўскі ўніверсітэт адзначыць свой 82-ы дзень нараджэння. Жадаю, каб спаборніцтвы атрымаліся яркімі і дынамічнымі, няхай пераможа наймацнейшы!
Каманду-пераможцу Адкрытага турніру па валейболе сярод жаночых каманд на Кубак рэктара назавуць у ГрДУ імя Янкі Купалы 23 лютага.
Гродзенскі дзяржаўны ўніверсітэт імя Янкі Купалы