У наступную суботу, 14 мая, Гродзенскі дзяржаўны ўніверсітэт імя Янкі Купалы адчыніць свае дзверы для абітурыентаў! Школьнікаў і іх бацькоў чакае захапляючае падарожжа, падчас якога яны пазнаёмяцца з факультэтамі і з тым, як жыве купалаўская сям'я.
Кожны факультэт падрыхтаваў інтэрактыўную пляцоўку, дзе падрабязна раскажуць пра спецыяльнасці, умовы навучання і жыццё студэнтаў. У тым ліку аб навінках гэтага года - спецыяльнасці «Біяхімія» са спецыялізацыямі "Біяхімія лекавых сродкаў" і "Аналітычная біяхімія", а таксама аб накіраванні спецыяльнасці "Вэб-журналістыка".
На ўсіх лакацыях пройдуць захапляльныя майстар-класы. Напрыклад, занятак па складанні фотаробата, квэст «Сакрэты грошай», майстар-клас «Ці не купіць мне біткоін» і многія іншыя займальныя актыўнасці. Таксама ў праграме гасцей чакае канцэртная праграма "Будзь з намі!", дзе выступяць студэнты-купалаўцы.
Важнай часткай Дня абітурыентаў стане сустрэча з кіраўніцтвам універсітэта і прадстаўнікамі прыёмнай камісіі. У абітурыентаў і іх бацькоў будзе магчымасць задаць актуальныя пытанні, якія датычацца навучання і паступлення ва ўніверсітэт, і атрымаць на іх кампетэнтныя і вычарпальныя адказы.
Падрабязную праграму можна спампаваць ТУТ.
ШТО? Дзень абітурыентаў.
ДЗЕ? г. Гродна, вул. Леніна, 32.
КАЛІ? 14 мая, субота, пачатак у 13.00.
Гродзенскі дзяржаўны ўніверсітэт імя Янкі Купалы