У рамках праграмы "Запрошаны прафесар" на факультэце біялогіі і экалогіі праводзіць заняткі доктар тэхнічных навук, прафесар Ташкенцкага хіміка-тэхналагічнага інстытута Мухамедаў Кабілджан Гафуравіч.
Прафесар Мухамедаў правядзе заняткі са студэнтамі 1-3 курсаў дзённай формы навучання спецыяльнасці "Біяэкалогія" па дысцыплінах "Асновы таксікалогіі", "Экалогія і рацыянальнае прыродакарыстанне", "Агульная экалогія".
У рамках заняткаў вялікая ўвага будзе ўдзелена сучаснаму стану прыродных рэсурсаў, рацыянальнаму прыродакарыстанню, шляхам вырашэння сыравінных, энергетычных і харчовых праблем.
Дарэчы, паміж нашымі ВНУ дзейнічае дагавор аб супрацоўніцтве, падпісаны ў сакавіку 2021 года, у рамках якога прадугледжаны абмен спецыялістамі. Цяпер у Ташкенцкім хіміка-тэхналагічным інстытуце заняткі праводзіць загадчык кафедры тэхналогіі, фізіялогіі і гігіены харчавання Наталля Башун.
Гродзенскі дзяржаўны ўніверсітэт імя Янкі Купалы