Больш за 50 купалаўцаў прынялі ўдзел у трохгадзіннай пешаходнай экскурсіі па гістарычных мясцінах старажытнага горада Гродна. Экскурсія была арганізавана цэнтрам кадравай і прававой работы пры садзейнічанні Прэзідыума Савета маладых спецыялістаў.
Экскурсаводам выступіў Горны Аляксандр Сяргеевіч, кандыдат гістарычных навук, дацэнт кафедры гісторыі Беларусі, археалогіі і спецыяльных гістарычных дысцыплін.
Удзельнікі экскурсіі пазнаёміліся з займальнай шматвяковай гісторыяй горада, яго асноўнымі славутасцямі, адкрылі для сябе мноства дзіўных фактаў аб нашым горадзе. Перад экскурсантамі раскрыліся не толькі непаўторныя краявіды горада над Нёманам, але і таямніцы гарадскіх вуліц і плошчаў.
Гродзенскі дзяржаўны ўніверсітэт імя Янкі Купалы