Курсанты 1-га курса ваеннага факультэта ГрДУ імя Янкі Купалы, якія навучаюцца па накірунку спецыяльнасці рэчавае забеспячэнне войскаў, праходзілі вучэбную практыку №1 у 2336 базе захоўвання рэчавай маёмасці.
Гэта база з'яўляецца асноўнай воінскай часткай рэчавага ўпраўлення Міністэрства абароны ў вырашэнні задач па прыёме, назапашванні, утрыманні і бесперабойным рэчавым забеспячэнні войскаў, а таксама забеспячэнні ваеннаслужачых тэхнічнымі і іншымі сродкамі бытавога прызначэння.
За час праходжання практыкі курсанты азнаёміліся з арганізацыйна-штатнай структурай базы і схемай размяшчэння, даведаліся аб парадку захоўвання рэчавай маёмасці і аб парадку выдачы і прыёму матэрыяльных сродкаў рэчавай службы.
Такая практыка дазваляе курсантам пазнаёміцца з базай знутры, убачыць свае магчымасці шырэй, асвоіць тэарэтычны матэрыял па вывучаемых прафесійных дысцыплінах больш прадуктыўна.
Гродзенскі дзяржаўны ўніверсітэт імя Янкі Купалы