15 верасня на базе Гродзенскага дзяржаўнага ўніверсітэта імя Янкі Купалы быў дадзены старт Рэспубліканскаму інтэлектуальна-спартыўнаму турніру «Беларусь: Адзінства. Незалежнасць. Будучыня».
Рэспубліканскі турнір у сценах Купалаўскага ўніверсітэта праходзіць першы раз, але паспеў сабраць пад сваім крылом прадстаўнікоў вядучых універсітэтаў нашай краіны! Сёння рабяты прайшлі працэдуру рэгістрацыі і пабывалі на арганізацыйным сходзе, дзе маглі пазнаёміцца адзін з адным і даведацца пра тонкасці правядзення турніру.
Да ўсіх прысутных з прывітальным словам звярнуўся прарэктар па выхаваўчай рабоце Васіль Сянько. Ён ад імя рэктара Купалаўскага ўніверсітэта Ірыны Фёдараўны Кітурка павіншаваў рабят з пачаткам іх трохдзённага займальнага падарожжа.
- У рамках Рэспубліканскага турніру рэалізуецца комплекс мерапрыемстваў, накіраваных на ўмацаванне адзінства беларускага народа і дзяржаўнасці, а таксама мерапрыемстваў па захаванні гістарычнай памяці нашага народа. Таксама мэта нашага турніру - згуртаваць моладзь, што асабліва актуальна напярэдадні Дня народнага адзінства, - адзначыў Васіль Сянько.
Турнір рэалізуецца Купалаўскім універсітэтам пры падтрымцы Міністэрства адукацыі Рэспублікі Беларусь з удзелам зацікаўленых устаноў вышэйшай адукацыі Рэспублікі Беларусь.
Наперадзе ў рабят гульня «Што? Дзе? Калі?» і экскурсія па Гродне! Сачыце за нашымі сацсеткамі і сайтам, усе яркія падрабязнасці і фота будуць там!
Гродзенскі дзяржаўны ўніверсітэт імя Янкі Купалы