Мэтай школы з'яўляецца стварэнне ўмоў для актывізацыі і ўдасканалення валанцёрскай дзейнасці навучэнцаў праз арганізацыю навучання асновам валанцёрскай дзейнасці.
Праца школы працягнецца з кастрычніка па снежань 2022 года. Яе ўдзельнікамі сталі рабяты ўсіх факультэтаў універсітэта, у тым ліку і першакурснікі. У час навучання ў школе рабяты пазнаёмяцца з асноўнымі напрамкамі валанцёрскай дзейнасці, яе нарматыўна-прававой базай, інфармацыйнымі тэхналогіямі ў рабоце валанцёра, алгарытмам стварэння сацыяльных праектаў і многім іншым.
На адкрыцці «Школы валанцёра» з прывітальным словам да юнакоў звярнуліся прарэктар па выхаваўчай працы Васіль Сянько і начальнік упраўлення выхаваўчай працы з моладдзю Аксана Котава. Першы занятак быў прысвечаны валанцёрскаму руху, які рэалізуецца ва ўніверсітэце і ў Рэспубліцы Беларусь. Пра яго рабятам расказала кіраўнік сацыяльнага напрамку Цэнтра валанцёрскай дзейнасці Валянціна Есіна.
Таксама магістрант факультэта псіхалогіі Алена Маркевіч, якая з'яўляецца актывістам валанцёрскага руху, правяла з рабятамі інтэрактыў "Знаёмства з валанцёрскай дзейнасцю".
Гродзенскі дзяржаўны ўніверсітэт імя Янкі Купалы