Каб не згубіцца ў марафоне падзей і заўсёды быць на крок наперадзе, запамінайце праграму першага дня VI Рэспубліканскага грамадзянска-патрыятычнага марафону «Разам - за моцную і квітнеючую Беларусь!». Фінальныя мерапрыемствы пройдуць з 03 па 05 траўня.
Традыцыйна марафон пачнецца з урачыстага адкрыцця на Плошчы ўніверсітэцкага флага Купалаўскага ўніверсітэта. Пасля каманды-ўдзельнікі ўступяць у кулінарныя баталіі і прадэманструюць усю сваю майстэрства ў конкурсе «Гаспадар і гаспадыня», дзе ім трэба будзе з прадстаўленых інгрэдыентаў самім замясіць цеста і спячы хлеб за 4 гадзіны, а затым паднесці яго на суд журы.
Пакуль адна частка каманды будзе адстойваць званне наймацнейшых на кухні, другая праявіць сябе ў інтэлектуальнай гульні «Эрудыт» і будзе змагацца за званне галоўных інтэлектуалаў марафону.
Вечар для каманд грамадзянска-патрыятычнага марафону абяцае быць атмасферным, бо ўдзельнікаў чакае «Вечар знаёмстваў» і маладзёжная забаўляльная праграма, якая дазволіць камандам-фіналістам бліжэй пазнаёміцца.
Марафон «Разам - за моцную і квітнеючую Беларусь!» – гэта не проста спаборніцтва лепшых, гэта галавакружныя эмоцыі і цудоўная магчымасць набыць новых сяброў з універсітэтаў розных гарадоў Беларусі.
Гродзенскі дзяржаўны ўніверсітэт імя Янкі Купалы