Перад пачаткам працы дыялогавай пляцоўкі Старшыня Савета Рэспублікі Нацыянальнага сходу РБ Наталля Качанава выказала сваё меркаванне аб грамадскай ролі сучаснай беларускай жанчыны.
- Сучасная беларуская жанчына-ініцыятыўная. Яна можа ўсё-гадаваць дзяцей, ствараць сям'ю, працаваць на вытворчасці, на прадпрыемстве, быць кіраўніком і рабочым. Практычна ўжо няма такіх прафесій, дзе не працавалі б нашы жанчыны, – адзначыла Наталля Качанава. - Сёння жанчыны практычна ва ўсіх сферах жыццядзейнасці прымаюць актыўны ўдзел. Але самае галоўнае тое, што, аб'ядноўваючыся і робячы неабходнае на сваіх месцах, мы забяспечваем мір, стабільнасць і бяспеку ў нашай краіне.
Старшыня Савета Рэспублікі адзначыла і важнейшыя ўнутраныя якасці беларускай жанчыны: дабрыня, міласэрнасць, спагадлівасць.
- Гэта якраз тое, што мы і павінны несці ў наша грамадства, у наш свет: быць стваральнікамі. На гэта нацэлена і наша праца ў грамадскай арганізацыі» Беларускі саюз жанчын", членам якой я з'яўляюся, – падкрэсліла Наталля Качанава.
Сустрэча з прадстаўніцамі БСЖ Гродзенскай вобласці праходзіла ў фармаце адкрытага дружалюбнага дыялогу, тон якому быў зададзены Наталляй Іванаўнай.
У пачатку свайго звароту да прысутных спікер адзначыла, што ідэя правядзення падобных сустрэч паўстала даўно:
- Я падумала, мы ж выязджаем у працоўныя калектывы, арганізацыі, установы нашай краіны, а чаму б не сустрэцца з актыўнымі жанчынамі – прадстаўніцамі БСЖ. У нас дастаткова такіх жанчын па ўсёй краіне, якімі праводзіцца мноства цікавых мерапрыемстваў.
Да канца года з падобнай ініцыятывай Наталля Качанава плануе наведаць усе рэгіёны рэспублікі.
У ходзе адкрытага дыялогу быў закрануты шырокі спектр пытанняў, якія хвалююць сучасных неабыякавых жанчын. Яны тычыліся неабходнасці прафарыентацыі моладзі, сістэмы выхавання падрастаючага пакалення беларусаў, ільготнага крэдытавання маладых сем'яў, будаўніцтва жылля. Узнімаліся пытанні, звязаныя з каштоўнасцю сям'і. Казалі, што робіцца на ўзроўні ўрада для павышэння нараджальнасці.
На працягу трох гадзін паступалі пытанні, прапановы і пажаданні, і Наталля Іванаўна ўважліва выслухоўвала, нястомна адказвала, распавядала аб асабістым і шчыра дзялілася сваімі думкамі.
У завяршэнне мерапрыемства Наталля Качанава падвяла вынікі і адзначыла, што ўсё, што робіцца Кіраўніком дзяржавы, накіравана на чалавека, на яго карысць, на развіццё, на захаванне міру і спакою ў нашых дамах.
- Усё накіравана на тое, каб нашы жанчыны маглі нараджаць дзяцей, выхоўваць іх, рэалізоўваць прафесійныя магчымасці. Бачу, што сёння сабраліся менавіта такія жанчыны – з неабыякавай грамадзянскай пазіцыяй, якія робяць усё, каб захаваць мір і спакой, каб наша краіна развівалася. Без стваральнай ролі і місіі жанчыны развіццё проста немагчыма, - падкрэсліла старшыня Савета Рэспублікі Нацыянальнага сходу РБ.
Скончылася сустрэча агульным фатаграфаваннем на памяць.
VIDEO
Гродзенскі дзяржаўны ўніверсітэт імя Янкі Купалы