1 чэрвеня адбылася прафарыентацыйная імпрэза са студэнтамі Ваўкавыскага каледжа ГрДУ імя Янкі Купалы.
Мерапрыемства прайшло пад дэвізам "ФІКіТ: тваё важнае адкрыццё!" Гасцей сустракалі прадстаўнікі студэнцкага актыву і выкладчыкі кафедр факультэта, якія расказвалі абітурыентам аб спецыяльнасцях факультэта гісторыі, камунікацыі і турызму.
Для гасцей была праведзена экскурсія па факультэце, якую правяла Таццяна Баярчук, намеснік дэкана па ідэалагічнай і выхаваўчай рабоце. Дзеці пазнаёміліся з факультэтам, магчымасцямі і перспектывамі, якія адкрывае Купалаўскі ўніверсітэт.
Для ўдзельнікаў прафарыентацыйнага мерапрыемства была праведзена інфармацыйная сустрэча з кафедрай турызму і культурнай спадчыны. Студэнты і выкладчыкі кафедры падрабязна расказалі пра спецыяльнасць “Турызм і гасціннасць”, а таксама пра іншыя спецыяльнасці факультэта.
- Апусканне ва ўніверсітэцкае асяроддзе з'яўляецца выдатным спосабам дапамагчы абітурыентам знайсці свой шлях і правільна прымяніць свае ўменні і навыкі, - адзначыла Таццяна Баярчук, намеснік дэкана па ідэалагічнай і выхаваўчай працы факультэта гісторыі, камунікацыі і турызму.
Удзельнікі мерапрыемства змаглі задаць пытанні і пазнаёміцца са структурай як факультэта і універсітэта.
Скончылася прафарыентацыйная сустрэча агляднай экскурсіяй па горадзе Гродна ад валанцёрскага атрада «Экскурсазнавец»
.
Гродзенскі дзяржаўны ўніверсітэт імя Янкі Купалы