Пасяджэнне прыёмнай камісіі Гродзенскага дзяржаўнага ўніверсітэта імя Янкі Купалы прайшло 28 ліпеня.
28 ліпеня ў Купалаўскім універсітэце адбылося залічэнне ў лік студэнтаў для атрымання вышэйшай адукацыі за кошт сродкаў рэспубліканскага бюджэту па сертыфікатах ЦЭ або ЦТ.
На атрыманне агульнай і спецыяльнай вышэйшай адукацыі за кошт сродкаў рэспубліканскага бюджэту абітурыентамі было пададзена 2204 заявы на 1166 бюджэтных месцаў. Усяго ў 2023 годзе за кошт сродкаў рэспубліканскага бюджэту ў Гродзенскім дзяржаўным універсітэце імя Янкі Купалы атрымліваць вышэйшую адукацыю будуць 941 першакурснік дзённай і 225 першакурснікаў завочнай формаў атрымання адукацыі.
Варта адзначыць, што ГрДУ імя Янкі Купалы ў 2023 годзе цалкам выканаў план набору за кошт сродкаў рэспубліканскага бюджэту.
Да ўдзелу ў конкурсе для атрымання агульнай вышэйшай і спецыяльнай вышэйшай адукацыі па выніках трох сертыфікатаў ЦЭ або ЦТ былі дапушчаныя 1365 абітурыентаў. Студэнтамі Гродзенскага дзяржаўнага ўніверсітэта імя Янкі Купалы сталі 697 абітурыентаў, з іх на дзённую форму атрымання адукацыі залічана 669 чалавек, на завочную – 28 чалавек. З іх: без уступных іспытаў-71 абітурыент на дзённую форму навучання і 7 абітурыентаў на завочную форму, па – за конкурсам-17.
Вынікі залічэння кожны абітурыент можа ўбачыць у сваім лічбавым кабінеце абітурыента.
Адзначым, што раней ва ўніверсітэт былі залічаны 25 пераможцаў універсітэцкай алімпіяды і 98 чалавек, якія будуць навучацца на ўмовах мэтавай падрыхтоўкі. Яны сталі студэнтамі тых спецыяльнасцяў, на якія сёння было залічэнне. Праца прыёмнай камісіі ў ГрДУ імя Янкі Купалы працягваецца.
У Купалаўскім універсітэце праходзяць уступныя выпрабаванні, якія працягнуцца да 2 жніўня ўключна. Інфармацыя пра дату і час яўкі абітурыента на экзамен прадстаўлена ў яго Лічбавым кабінеце. Іншагароднім абітурыентам універсітэт дае магчымасць засяліцца на час здачы экзаменаў у інтэрнат.
У абітурыентаў, якія жадаюць навучацца на платнай аснове, ёсць магчымасць падаць дакументы па 9 жніўня.
Падрабязную інфармацыю аб ходзе прыёмнай кампаніі, прапанаваных спецыяльнасцях, тэрмінах падачы дакументаў можна даведацца на сайце www.abit.by, а таксама ў пункце работы прыёмнай камісіі Гродзенскага дзяржаўнага ўніверсітэта імя Янкі Купалы па адрасе: вул. Леніна, 32; а таксама па тэлефонах:+375 (152) 67-01-01 (шматканальны),
МТС +375 (33) 35 44 500,
Life +375 (22) 77 44 500
Гродзенскі дзяржаўны ўніверсітэт імя Янкі Купалы