У Гродзенскім дзяржаўным універсітэце імя Янкі Купалы сабраліся шэсць дэлегацый, якія ўдзельнічаюць у пасяджэнні Рабочай групы пры Савеце міністраў абароны АДКБ па каардынацыі сумеснай падрыхтоўкі ваенных кадраў і навуковай працы. Удзельнікі абмеркавалі цяперашні стан ваеннай адукацыйнай сістэмы, перспектывы яе развіцця і мадэрнізацыю з улікам сучасных рэалій.
Усіх прысутных павітаў намеснік міністра абароны Рэспублікі Беларусь Андрэй Жук, які адзначыў важнасць сумеснага ўзаемадзеяння ў падрыхтоўцы кадраў для ваенных спецыяльнасцяў. Ён выказаў надзею на тое, што праца будзе эфектыўнай і паспрыяе далейшаму развіццю супрацоўніцтва, а таксама пажадаў усім плённай працы.
Як адзначыў намеснік начальніка Аб'яднанага штаба АДКБ генерал-маёр Віктар Лісоўскі, у апошні час метады ўзброенай барацьбы зведалі змены, з'явіліся новыя віды ўзбраенняў.
– Дзякуючы сённяшняй сустрэчы ў нас ёсць унікальная магчымасць абмеркаваць з калегамі, што трэба змяніць у нашых навучальных планах і праграмах. Вядома, у існуючых нарматыўных дакументах, якія датычацца работы Узброеных сіл і ваеннай адукацыі, прапісаны алгарытмы па разгортванні баявых дзеянняў, абароны і іншыя механізмы. Але час дыктуе свае ўмовы, – распавёў Віктар Лісоўскі.
Унясенне глабальных змяненняў не прадугледжваецца, бо работа па ўдасканаленні дзейнасці АДКБ у розных сферах вядзецца планамерна і своечасова. Пра гэта казаў і начальнік Дэпартамента ваеннай адукацыі і навукі Міністэрства абароны Рэспублікі Узбекістан генерал-маёр Жумабек Ахметаў.
– У асноўным, мы надалі ўвагу падвядзенню вынікаў праведзенай работы і падрыхтоўцы дакументаў, якія рэгламентуюць працу АДКБ, – распавёў Жумабек Ахметаў.
Начальнік упраўлення ваеннай адукацыі-намеснік начальніка Галоўнага ўпраўлення кадраў Міністэрства абароны Расійскай Федэрацыі генерал-маёр Ігар Мураўляннікаў звярнуў увагу на важнасць сумеснай працы ў падрыхтоўцы кадраў і навуковых супрацоўнікаў.
– Сумесная падрыхтоўка расійскіх і беларускіх вайскоўцаў вядзецца па аднолькавых праграмах, што спрыяе максімальнай інтэграцыі адукацыйных працэсаў. Адукацыйная сістэма нацэлена на павышэнне якасці практычнай падрыхтоўкі афіцэраў і курсантаў. Пашыраецца адсоткавыя суадносіны практычных відаў заняткаў, рэалізуюцца новыя формы і віды ўзаемадзеяння, – падкрэсліў Ігар Мураўляннікаў
Начальнік упраўлення ваеннай адукацыі Узброеных Сіл Рэспублікі Беларусь Андрэй Клішэвіч палкоўнік прадставіў на пасяджэнні прэзентацыю аб ваеннай адукацыйнай сістэме Рэспублікі Беларусь. Ён адзначыў, што ваенная адукацыя – адзін са складнікаў сістэмы адукацыі Рэспублікі Беларусь, і, натуральна, гэтай сферы надаецца вялікая ўвага. Такія рабочыя сустрэчы і пасяджэнні, несумненна, прыўносяць свой уклад у абараназдольнасць Беларусі ў цэлым краін, якія ўзводзяць у АДКБ.
Таксама ўдзельнікі сустрэчы ўсклалі кветкі да Вечнага агню ў парку Жылібера і наведалі ваенны факультэт Купалаўскага ўніверсітэта, дзе былі прадстаўлены тэматычныя выставы ваенных факультэтаў ва ўстановах вышэйшай адукацыі Рэспублікі Беларусь. Акрамя таго, удзельнікам прадставілі вучэбна-матэрыяльную базу ваеннага факультэта і прадэманстравалі, як праходзяць заняткі ў курсантаў.
Дарэчы, для дэлегацый правялі экскурсію і па ГрДУ імя Янкі Купалы і Гродна.
Гродзенскі дзяржаўны ўніверсітэт імя Янкі Купалы