Гродзенскі дзяржаўны ўніверсітэт імя Янкі Купалы з рабочым візітам наведалі віцэ-прэзідэнт кампаніі Hope Education Group Пэн Лан і прадстаўнік кампаніі Hope Education Group у Беларусі Хань Вэньюань. З беларускага боку ўдзел у рабочай сустрэчы прынялі рэктар Купалаўскага ўніверсітэта Ірына Кітурка і прарэктар па вучэбнай рабоце Лявонцій Паўлаў.
Hope Education Group-кампанія, адным з напрамкаў дзейнасці якой з'яўляецца прадастаўленне паслуг у сферы вышэйшай і сярэдняй прафесійнай адукацыі ў Кітаі і Малайзіі.
Упершыню Пэн Лан даведалася пра магчымасці нашага ўніверсітэта падчас рабочага візіту ў Кітайскую Народную Рэспубліку Ірыны Кітурка і Лявонція Паўлава ў чэрвені гэтага года. Падчас візіту быў прэзентаваны навукова-адукацыйны вопыт і патэнцыял Купалаўскага ўніверсітэта. Таксама былі дасягнуты дамоўленасці па рэалізацыі эксперыментальнага праекта «Рэалізацыя мадэлі інтэграцыі адукацыйнай праграмы I ступені вышэйшай адукацыі (Рэспубліка Беларусь) з адукацыйнай праграмай неўніверсітэцкай вышэйшай адукацыі (КНР) у скарочаныя тэрміны». У дадзеную праграму ўвайшлі ўсяго шэсць універсітэтаў Беларусі.
Hope Education Group праявілі цікавасць да адукацыйных магчымасцяў ГрДУ імя Янкі Купалы і наведала з візітам у адказ наш універсітэт, Для таго, каб абмеркаваць больш прадметна вектары супрацоўніцтва і наладзіць больш цеснае ўзаемадзеянне. Дасягнуты дамоўленасці па далейшым супрацоўніцтве і перспектывах навучання кітайскіх студэнтаў у Купалаўскім універсітэце.
Гродзенскі дзяржаўны ўніверсітэт імя Янкі Купалы