На кафедры фінансаў і бухгалтарскага ўліку прайшлі стажыроўку супрацоўнікі Гомельскага дзяржаўнага ўніверсітэта імя Францыска Скарыны.
З 13 па 17 лістапада Кацярына Яраш, старшы выкладчык кафедры фінансаў і крэдыту і Вольга Парошына, старшы выкладчык кафедры эканамічнай тэорыі і сусветнай эканомікі Гомельскага дзяржаўнага ўніверсітэта імя Францыска Скарыны прайшлі стажыроўку на кафедры фінансаў і бухгалтарскага ўліку факультэта эканомікі і кіравання ГрДУ імя Янкі Купалы.
Стажоры азнаёміліся з арганізацыяй работы кафедры фінансаў і бухгалтарскага ўліку і факультэта, у тым ліку парадкам лічбавага адміністравання навучальнага працэсу ў сетцы Інтранэт, вучэбна-метадычным забеспячэннем дзейнасці кафедры і працэсам арганізацыі іншых адукацыйных паслуг.
У рамках стажыроўкі гамяльчане азнаёміліся з арганізацыяй работы з таленавітай моладдзю, у тым ліку ў напрамку развіцця стартап-руху, з дзейнасцю студэнцкага навуковага гуртка кафедры, вывучылі вопыт выхаваўчай работы, дзейнасць студэнцкага супраўлення на факультэце.
Наведванне лекцыйных заняткаў вядучых супрацоўнікаў кафедры фінансаў і бухгалтарскага ўліку дазволіла стажорам асвоіць сучасныя адукацыйныя тэхналогіі і павысіць прафесійныя кампетэнцыі ў галіне выкладання фінансавых дысцыплін.
Кіраўнік стажыроўкі – загадчык кафедры фінансаў і бухгалтарскага ўліку Людміла Тарасава.
Гродзенскі дзяржаўны ўніверсітэт імя Янкі Купалы