Дэкан факультэта эканомікі і кіравання Марына Карпіцкая прыняла ўдзел у Міжнароднай навукова-практычнай канферэнцыі «Міжнародны транспартна-лагістычны калідор: імпульсы развіцця з Зангілана». Арганізатар канферэнцыі Інстытут эканомікі Міністэрства навукі і адукацыі Азербайджана.
Ініцыятарамі навуковага форуму выступілі Генеральны дырэктар Інстытута эканомікі, доктар эканамічных навук, прафесар Назім Музафар аглы Іманаў, кандыдат эканамічных навук, дацэнт Азер Муршудавіч Сафараў, якія ўнеслі істотны ўклад у развіццё эканомікі Азербайджана, а таксама прадстаўнікі Міністэрства лічбавага развіцця і транспарту, Міністэрства навукі і адукацыі Азербайджана.
У Міжнароднай навукова-практычнай канферэнцыі прынялі ўдзел прадстаўнікі больш як 15 краін свету з розных міністэрстваў і ведамстваў: Міністэрства транспарту і камунікацый, Лічбавай эканомікі, Дзяржаўных мытных камітэтаў і падатковых органаў, а таксама вучоныя з розных краін.
На канферэнцыі абмяркоўваліся пытанні, звязаныя з уплывам міжнародных транспартных калідораў на эканамічнае развіццё ў Еўразійскім кантыненце, адкрыццём Зангезурскага калідора і яго інтэграцыяй у існуючыя транспартныя сістэмы, развіццём і цыфрызацыяй гэтых сістэм, праблемамі ўкаранення інавацыйных мытных механізмаў у краінах, размешчаных уздоўж калідора.
Разгледжаны комплексныя падыходы краін ТНК «Поўнач - Поўдзень» і іншых калідораў у рамках развіцця мультымадальных перавозак, мытнага дэкларавання, цыфравізацыі працэсаў, сістэмы разлікаў, нейтралізацыі рызык.
Для Рэспублікі Беларусь пытанні пошуку новых вектараў лагістыкі з'яўляюцца найважнейшай задачай пры рэалізацыі прадукцыі на экспарт у краіны Усходу, Афрыкі і інш. Таму ў сваіх выступленнях Марына Карпіцкая падзялілася навуковымі падыходамі да ацэнкі эфектыўнасці работы транспартнай галіны краіны ва ўмовах санкцыйнага становішча да фарміравання механізмаў ацэнкі рызык і іх страхавання.
У рамках Міжнароднай навукова-практычнай канферэнцыі ўдзельнікі змаглі пазнаёміцца з развіццём транспартнай і сацыяльнай інфраструктурай Азербайджана, наведаць сучасную «разумную вёску», а таксама ацаніць усходні каларыт і сучасную архітэктуру Баку.
Гродзенскі дзяржаўны ўніверсітэт імя Янкі Купалы