На працягу некалькіх дзён, з 27 лістапада па 2 снежня, у Мінску на базе Рэспубліканскага цэнтра алімпійскай падрыхтоўкі па тэнісе купалаўцы спаборнічалі ў Рэспубліканскай універсіядзе − 2023/2024 па тэнісе настольным.
Спаборніцтвы ўніверсіяды ўключалі ў сябе першынство сярод жаночых і мужчынскіх каманд, спаборніцтвы ў парных разрадах сярод жаночых і мужчынскіх пар і адзіночныя спаборніцтвы сярод жанчын і мужчын.
Зборная каманда ГрДУ імя Янкі Купалы заняла трэцяе месца сярод 27 каманд. Асабліва паспяхова выступіла жаночая каманда, якая змагла заняць ганаровае другое месца ў агульнакамандным заліку. Студэнткі факультэта фізічнай культуры Таццяна Чэкавая, Вераніка Вараб'ёва, Лізавета Гацко і Маргарыта Нікалаева паказалі дастойны вынік.
Жаночая пара Таццяна Чакавая і Вераніка Вараб'ёва таксама заваявала сярэбраныя медалі. У адзіночным разрадзе Вераніка Вараб'ёва заваявала бронзу. Мужчынская каманда заняла пятае месца.
Рэспубліканская ўніверсіяда па тэнісе настольным стала не толькі спартыўным выпрабаваннем, але і магчымасцю для нашых ігракоў паказаць сваё майстэрства, набыць каштоўны вопыт і палепшыць свае навыкі. Мы дзякуем усім, хто прыняў удзел у гэтым спаборніцтве, і жадаем нашым тэнісістам далейшых поспехаў і перамог на спартыўным шляху.
Гродзенскі дзяржаўны ўніверсітэт імя Янкі Купалы