Адкрыты дыялог «Мой студатрад – час з карысцю. Перспектывы развіцця маладзёжнага руху» сабраў у сценах Купалавай ВНУ прадстаўнікоў трох універсітэтаў. Да дыялогу запрасілі байцоў ГрДУ імя Янкі Купалы, ГрДМУ і ГДАУ, а таксама ветэранаў руху, якія падзяліліся сваім вопытам. Важнай тэмай адкрытага дыялога стала ўзаемадзеянне Гродзенскай абласной арганізацыі саюза моладзі і прафсаюзаў у працоўным выхаванні моладзі і захаванне пераемнасці пакаленняў.
Студатрадаўскі рух – адзін з вядучых напрамкаў дзейнасці Беларускага рэспубліканскага саюза моладзі. У 2023 годзе Гродзенскі абласны штаб студэнцкіх атрадаў працаўладкаваў 7499 чалавек у складзе 537 студэнцкіх атрадаў. Важнасць студатрадаўскага руху падкрэсліў старшыня абласнога аб'яднання прафсаюзаў, член Савета Рэспублікі Нацыянальнага сходу Рэспублікі Беларусь Віктар Лісковіч:
– Праца ў студэнцкіх атрадах дае бясцэнны вопыт моладзі. Для многіх хлопцаў атрад становіцца першым працоўным месцам. Студэнты вучацца працаваць у калектыве, вырашаць працоўныя задачы, знаходзіць кампрамісы. Вельмі выдатна, што працадаўцы актыўна адгукаюцца на запыт моладзі і падаюць працоўныя месцы, прыемна, што студэнтам давяраюць. А сёння мы сабраліся для таго, каб абмяняцца вопытам, падвесці пэўныя вынікі працы і вядома задаць вектары на маючыя адбыцца працоўныя семестры.
Як расказаў першы сакратар абласнога камітэта ГА «БРСМ» Андрэй Есін, у 2024 годзе хлопцы з Гродзенскай вобласці прымуць удзел ва ўсебеларускай маладзёжнай будоўлі - патрыятычнага цэнтра, узвядзенне якога пачата ўжо. Працягнецца супрацоўніцтва са звыклымі партнёрамі, будзе весціся работа па пошуку новых. У перспектыве таксама абмен студатрадамі Гродзенскай і Калінінградскай абласцей.
Купалаўскі ўніверсітэт актыўна прапагандуе студатрадаўскі рух. З году ў год колькасць жадаючых уступіць у атрады расце, а геаграфія працоўных месцаў пашыраецца. Да байцоўскага руху сёлета далучыліся больш за 900 чалавек, якія працавалі ў 70 студэнцкіх атрадах. Студэнты працавалі ў розных кірунках: педагагічным, вытворчым, будаўнічым, сэрвісным.
Традыцыйна сёлета купалаўцы атрымлівалі практычны досвед працы ў дзіцячых аздараўленчых лагерах. Купалаўцы працавалі ў лагерах «Марская хваля» і «Арляня» ў Расійскай Федэрацыі ў складзе 6-ці педагагічных і сэрвісных выязных атрадаў, у беларускіх аздараўленчых лагерах «Зубраня», «Юнацтва», «Зорка Юбілейнае», «Сузор'е».
Таксама нашы байцы працавалі ў гатэлі «Нёман», атрымлівалі досвед на «Контэ-Спа» і нават на Беларускай чыгунцы. Рабяты працавалі на прадпрыемствах рэгіёну, на аб'ектах роднай альма-матэр, актыўна ўдзельнічалі ў працы прыёмнай камісіі, на цэнтралізаваным тэставанні, а будаўнічыя атрады не пакінулі без увагі нашы навучальныя карпусы і інтэрнаты ўніверсітэта.
Гродзенскі дзяржаўны ўніверсітэт імя Янкі Купалы