У Купалаўскім універсітэце праводзяцца трэнінгі ад спецыялістаў у галіне праектнага навучання.
З 14 снежня 2023 года па 10 студзеня 2024 года праходзіць дыстанцыйны трэнінг «Першыя крокі да сеткавых праектаў». А з 25 снежня 2023 года па 25 студзеня 2024 года пройдуць дыстанцыйныя трэнінгі «Agile-распрацоўка адукацыйных праектаў», «Дызайн-мысленне ў сеткавым праекце: ад ідэі да рэалізацыі», «Жыццёвы цыкл сеткавага праекта, або эфектыўнае AGILE-планаванне ў прафесійным развіцці педагога», «Як сфармуляваць пытанне: мастацтва пошуку глыбінных адказаў», «Лічбавыя інструменты ў сеткавай праектнай дзейнасці: далучаем, натхняем, навучаем».
Па завяршэнні трэнінгаў удзельнікі сфарміруюць банк матэрыялаў для наступнага стварэння сеткавых праектаў на дзявятым міжнародным дыстанцыйным адукацыйным марафоне «Купалаўскія праекты», які пройдзе ў 2024 годзе. Паспяхова выканалі праграму навучання атрымаюць электронныя сертыфікаты.
Да ўдзелу ў дыстанцыйных трэнінгах запрашаюцца выкладчыкі, магістранты, студэнты, якія жадаюць асвоіць тэхналогію стварэння сеткавых праектаў і вэб-квэстаў, а таксама кіраўнікі ўстаноў адукацыі, педагогі дадатковай адукацыі, работнікі бібліятэк, метадысты, настаўнікі-прадметнікі, настаўнікі пачатковай школы, спецыялісты дашкольных навучальных устаноў.
Больш падрабязна аб умовах удзелу ў трэнінгах можна даведацца тут.
Даведка
Трэнінгі праводзяцца напярэдадні чарговага дыстанцыйнага Міжнароднага адукацыйнага марафону «Купалаўскія праекты 2024».
Арганізатарам трэнінгаў выступае кафедра сучасных тэхналогій праграмавання пры падтрымцы інфармацыйна-аналітычнага Цэнтра і факультэта матэматыкі і інфарматыкі ГрДУ імя Янкі Купалы.
Дадатковую інфармацыю можна атрымаць па тэлефоне: +375-152-39 58 95 і па е-mail: kupala.project@gmail.com
Гродзенскі дзяржаўны ўніверсітэт імя Янкі Купалы